No.7786/2020-2021

Dated Khawzawl, the 13th March, 2021: Nimin chawhma  khan Khawzawl District Disaster Management Authority (KDDMA) hnuaia Quick Response Team member-te chuan Murlen National Park-ah Alpine Style Search and Rescue training an nei.

Training hi Pu Zothanmawia, Deputy Commissioner, Khawzawl DDMA Chairman ni bawk leh Pu H. Lalramenga, SDC (DM&R) ten an telpui a. Pu Moses Lalthanpuia, State Adventure Organizer bakah Aizawl QRT leh SYS department atanga trainer te'n Khawzawl District QRT member-te hi ramhnuai leh khawchhunga chhiatrupna thleng thei hrang hrangah training an pe a ni.

Khawzawl DDMA hnuaiah hian QRT member pariat (8) an awm mek a. Chhiatrupna leh rikrum thila chechhuak hmasa  first responder ni thei tur leh, mipui vantlang hnena zirtirna pe chhawng thei turin training  buatsaihsak thin an ni.