Vawiin khan School Education Minister Pu Lalchhandama Ralte chuan a Bial chhung khua Vaitin, Thingsat, Khawpuar, Khawdungsei, Hmunsang leh Zohmun te a tlawh a, heng khua a tlawhnaah hian amah lo hmuaktu mipuite hnenah thusawiin zirnaah harh tharna a thlen theih nan theih tawpin hma sawrkarin a la a ni, a ti a.

Minister Pu Lalchhandama Ralte chuan mipuiten zirnaa an chanvo an chan theih nan zirtirtu nei tha lo khuaah zirtirtu sawrkarin dah tawh a ni, a ti a. Thingtlang miten hna tha, hna sang an thawh theih nan zirna tha a pawimawh a, sawrkarin a ngaih pawimawh zirna siamthat nan hian zirtirtu leh School building neih that phawt a pawimawh hmasa a ni a ti bawk. Minister chuan Hmar tlangdung chu Sinlung Hills Council-in a thutchilh tawh avangin sawrkar a inchhawp hnai tawh a, kawng hrang hrangin hmasawnna hna thawh a ni zel dawn a ni a ti bawk.

Minister-in hmar tlangdung khaw hrang hrang a tlawhnaah hian Pu C.Lalmuanpuia MLA, Pu Lalthlamuana Hmar Chief Executive Member SHC, SHC a Executive Member leh member thenkhatte leh official ten an tawiawm a ni.