No.6107/2020-2021

Naktuk October 16,2020 ah Board Exam hmachhawn tur zirlaite tan School hawn anih dawn tak avangin vawiin khan School Education Department a Officer-ten Hostel dinhmun an endik.

School Education Minister hova Consultative meeting chuan October 16, 2020 atangin Board exam hmachhawn tur Class X leh XII zirlaite school kal tan tura a rel bawhzuiin vawiin khan School Education Officer-te chuan Aizawl khawpui chhunga Hostel dinhmun an enfiah.

COVID-19 leng mek avangin kumin Academic session chu a hun pangngai April thlaah tan theih a nilova. School Education Department chuan kawng hrang hrangin hrileng kara naupangten lehkha an zirtheih dantur a ngaihtuah a. TV leh Youtube-ah Tuitorial class te a pechhuak a, Wee-wise plan te a siambawk a, zirlaite chuc hawlh kartin an zirturte a buatsaih a ni.

Tun dinhmunah hrileng a ziaawm deuh tawha a lana vangin kumthara Board Exam hmachhawn maitur Class X leh XII te tan school kal nise tiin rel a ni ta a, class IX leh XI te tan school ah an zirtirtute zawt tura kal phalsak an ni ta bawk. Hetianga School hawn a lo nih dawn tak avang hian a kaihhnawih hostel chu zirlaite tan a him tawk em tih enfiah a tulin hriat a ni a. School Education Department a Officer te chu team nga-ah inthenin Aizawl khawpui chhung hmun hrang hranga hostel-te dinhmun an endik ta a ni.