• SCHOOL TIMING THLAK CHUNGCHANG:

Zirna kawnga hma kan sawn theihna atan leh khawtlang tan pawha a that zawk beiseiin Mizorama School timing sawn hma chungchang hi ngaihtuah a lo ni tawh thin a. Hemi  chungchanga rawtna leh ngaihtuahna pawh committee hrang hrangah vawi duai lo sawiho niin, mipuiah tha zawk tura beiseina leh duhlo au aw pawh a inkalh nuaih fo thin. Chuvang chuan Zoram zirna atan a tha dawn em tih zirchiang turin Secretary Chairman na hnuaiah Committee din a ni a.He Committee hian mimal/pawlho/khawtlang leh State dang ngaihdan leh kalphung te pawh  a zir chiang a. Chu mi hnuah report thehlutin Council of Ministers meeting chuan a pass ta a ni.

A hnuaia mi ang hi school timing thar atan a ruat chu a ni.

Hetianga school timing sawn hma a lo nihna chhan leh a thatnate:-

• Kothari Commission 1964-66, National Policy on Education 1986, The National Curriculum Framework 2005, SSA framework for implementation (based on the Right of Children to Free and Compulsory Education Act, 2009 Chapter 2.3.2) leh Education Policy on Mizoram 2013 ten zirna siamthatna tura hmanraw pawimawh a hnuaia mi ang hian an rawn duang chhuak a, chungte chu:-

Experiential learning (a tak hmanga zir), dignity of labour (kut hnathawh zahawmna), value education, creativity (thilthar ngaihtuah chhuah theihna), reading and library services (lehkha chhiar tamna hun), health and physical education (hriselna leh taksa lam hmasawnna) etc.

Heng tihhlawhtlinna atan hian school timing tun a duan thar tak hi a tangkai hle tur a ngaih a ni.

• India ram State 17 (sawmpasarih) te school timing zirchianna neih a niin heng zinga State lian leh hmasawn zual 10(sawm) te chuan zing dar 8:00 leh a aia hmaah school hi an tan vek a ni. State leh khawpui hrang hrangte school timing neih dan hi Annexure-ah dah a ni.

• School timing sawn hma hian thalaite nun ah nasa taka thusawiin zan mut hma, zing thawh hma (hun hman tangkai) kawngah nasa taka pui tura beisei a ni.

• Kan ramah ni a chhuah hma avangin ni eng kan hmang tangkai rei thei ang a, hnathawh hun chhung a rei ang a, thawhchhuah a pung ang. School banah zirlaiten hun thawl an ngah zawk ang a, infiamna leh thil tha hrang hrang zirna hun an ngah zawkin, nu leh pa te an tanpui tam thei ang. Zirlai thenkhat remedial teaching/tuition mamawh tan en laiin an ti thei ang a, naupang him nan a tha ang.

• School timing sawn hma hi a hmangtu Teachers’ Association hrang hrangte pawhin tha an tiin, an thlawp hle a. Tin, school timing sawn avanga school naupangte’n harsatna an tawh lohna turin City/Town Bus Owner leh Transport Department te pawhin bus timing siam remin, a tul ang in hma an la dawn niin kan hria a, a lawmawm kan ti hle.

• SCHOOL CALENDAR CHUNGCHANG

Elementary leh High School tan kum 2015-16 school academic session tan ni atan April 1 ruat a ni a. Hei hi Govt., Deficit, Ad-hoc Aided, Lump-sum school te leh Private school Mizoram sorkarin hawn phalna a pek zawng zawng ten an zawm ngei tur a ni. Hei hi an zawm leh zawm loh hrechiang turin anmahni bialtu DEO, SDEO, DPC (SSA), BRCC (SSA) leh CRCC(SSA) te theuh chik taka vil tur leh April 2015 chhunga report Director of School Education hnenah an thehlut tur a hriattir an ni. School tan ni a ruat a tan lo hriatchhuah te chu an chungah a tul angin sorkarin hma a la ang.

• SCHOOL FEE CHUNGCHANG

School hrang hrang Deficit, Ad-hoc Aided, Lump-sum leh Private school te fee lak dan tur notification hetiang hian tih chhuah a ni.

• Admission fees for Private/Lump-sum-Aided Schools:

Not exceeding

• KG-Cl-VIII(Elementary)                               -         Rs. 3000/-
• Cl-IX-X(Secondary)                                      -         Rs. 4000/-
• Cl-XI-XII(HSS Arts without practical )         -         Rs. 4500/-
• Cl-X-XII(HSS Arts & Sc. with practical)      -         Rs. 5000/-

• Private Schools monthly fees:                                  Not exceeding
  • KG-Cl-VIII(Elementary)                               -         Rs. 1000/-
  • Cl-IX-X(Secondary)                                      -         Rs. 1200/-
  • Cl-XI-XII(HSS all stream)                             -         Rs. 1500/-

• Admission fees for Secondary Schools(Deficit/Ad-hoc) excluding schools administered by SSA and RMSA:                         Not exceeding
  • Capital                                                           -         Rs. 700/-
  • District Hqrs.                                                 -         Rs. 680/-
  • Civil Sub-Division Hqrs.                               -         Rs. 660/-
  • Rural Areas                                                    -         Rs. 650/-

• Admission fees for Higher Secondary Schools (Deficit/Ad-hoc):

Not exceeding

• Sc./Computer Sc./Vocational                         -         Rs. 1520/-
• Arts with Practical                                         -         Rs. 1000/-
• Arts without practical                                     -         RS.  850/-

• SCHOOL SYLLABUS LEH TEXT BOOK CHUNGCHANG:

Academic session thar 2015-16 atan hian sorkar chuan school syllabus leh text book a siam a, hei hi school zawng zawng, sorkar leh private school ten an hmang tur a ni. Sorkarin a syllabus leh textbook zir tur a duan bak hi eng school mahin mahni thu in zir tur an belh tur a ni lo.

Heng a chunga tarlan school timing, school calendar,  school fee leh syllabus leh text book chungchang te hi school tinin an zawm vek tur ah sorkar chuan a ngai a. Zawm lo school an awm anih chuan a tul angin an chungchang thu sorkarin a ngaihtuah ang a, an school recognition suspend sak emaw, withdraw sak emaw thleng pawhin ngaihtuah a ni ang.

ANNEXURE

School timings across the country :