Aizawl District Disaster Management Authority hnuaia District Advisory Committee on School Safety, Aizawl District te hmalakna in vawin hian private school hrang hrang 25 atanga zirtirtute chhiatrupna thleng thei laka inven dan leh lo in buatsaih lawk dan chungchang ah training pek an ni a. Training hi Planning and Program Implementation Conference Hall ah hman a ni.

Training hi Pu John L.T Sanga, Addl. D.C, Aizawl District leh Pu Lalramthianghlima, District Education Officer (DEO), Aizawl District ten an tel pui a. Training naah hian Pi Zotinkimi leh Pi Zoenmawii, Disaster Management Cooridinator te resource person niin chhiatrupna thleng thei laka inbuatsaih lawk a tul dan te leh in buatsaih dan te, chhiatrupna lo thlen a tih tur leh tih loh turte leh disaster management plan siam dan te an zirtir a ni.

Kum 2012 - 2014 chhung khan zirhna in te chhiatrupna hmachhawn chungchanga zirtirna “National School Safety Program” chu Aizawl District chhunga zirhna in 250 ah Aizawl District Disaster Management Authority chuan a lo kalpui tawh a, school thenkhat, tun thlenga mahni school a hmalak chhunzawm ta zel te pawh an awm nual a ni.

Attachment

  • Loading attachment...