Lawngtlai District-a assembly bial pathuma Final Electoral Roll 2020 chu vawiin khan Lawngtlai District Election Officer, Lawngtlai Bawrhsap ni bawk Pi Shashanka Ala, IAS chuan a office chamber-ah a tlangzarh a. Final electoral roll hi political party ai awhte hnenah a hlan nghal.

Final Electoral Roll-ah hian 36-Tuichawng (ST) A/C bialah vote nei mipa 16383 leh hmeichhia 16035, an vaiin mi 32418 an awm a; draft roll aia a punna hi 1046 a ni. 37-Lawngtlai West (ST) A/C bialah vote nei mipa 13559 leh hmeichhia 13363, an vaiin mi 26922 an awm a; draft roll atangin 4-in a kiam a ni. 38-Lawngtlai East (ST) A/C bialah voter mipa 11784 leh hmeichhia 12528, an vaiin mi 24312 an awm a; draft roll aia a punna hi 312 a ni. Lawngtlai District-ah hian a pumpuiin vote nei mipa 41726 leh hmeichhia 41926, an vaiin mi 83652 an awm a; draft roll atangin voter 1354-in an pung a ni.