Vawiin chawhma dar 11:00 AM khan Pu V. Lalsangliana, IAS, Deputy Commissioner, Lunglei kaihhruaina in DC's Conference Hall ah Chapchar Kut 2020 Celebration Committee thutkhawmna neih a ni.

Pu V. Lalsangliana chuan member kalkhawm te chu lo lawmin hun hlutak senga meeting a an tel avangin lawmthu a sawi a, Lunglei a Chapchar Kut hman nan Mizoram Sawrkar in Rs. 500000 (Nuai nga) pek a nih thu a sawi a. Chapchar Kut hlungtak leh ropui taka hman anih theih nan mitin ten ngaipawimawh a kal tur leh Chapchar Kut hmanna ah hian Mizo thuam atam thei ang ber inbel theuh turin a chah a ni. Meeting hian Chapchar Kut 2020 lawmna tur atan Chapchar Kut Organising Committee siam a ni.

Chairman : DC, Lunglei
Co-Chairman : President, Sub Hqrs YMA, Lunglei
Secretary : Secretary, Sub Hqrs YMA, Lunglei
Asst Secretary : Asst Secretary, Sub Hqrs YMA, Lunglei
MCO, Lunglei aiawh.
Finance Managers : Finance Secretary, Sub Hqrs YMA, Lunglei
: Lalrinawma, Arts & Culture Department, Lunglei

Heng bak ah hian members atan Head of Department hrang hrang te leh Lunglei Town chhunga YMA branch hrang hrang President te ruat an ni. Chapchar Kut 2020 hi 6th March 2020 ah hman tur niin Kut Pa atan Pu Lawmawma Tochhawng, Vice Chairman, HPC Lunglei ani ang a, Kut thlengtu atan Lunglei DC ruat ani.