Vawiin chawhma dar 10:00 khan SCERT Aizawl buatsaih in District Level Science Seminar 2012 chu Saikuti Hall-ah neih a ni. He hun hi C. Liansanga, HPO in kaihruaiin Pu S. Laldingliana, Parliamentary Secretary chu khuallian ah hman a ni.

Pu S. Laldingliana chuan thusawiin “Mizoram chhim lam atanga zirlai hlawhtling tak tak ram tana mi pawimawh tak tak lo ni tawh ho te kha an liam tawh a, tuna zirlai duhawm tak tak te hian an hnungzui in, tumruhna leh taimakna nen, ram leh hnam tana thluakbur ni thei khawp a tan lak thar leh a ngai a ni” a ti a. Zirlai tha an lo awm theih nan chuan zirtirtu inpe leh zirlaite hmangaihna nei mite chu an thil mamawh ber a nih thu a sawi a. Competitive exam engpawh nise India rama hnam dang te elpha thei tur khawp a zirlai te thiamna leh inrintawkna pe turin zirtirtu te chu chahin ziak leh chhiar thiam tam lama pun thur thur aiin thiamna tak tak nei zirlai siam chhuah a pawimawh zawk a ni a ti. Seminar-ah hian School 13 ten Mathematic in "India, Past and Future" tih thupui hmangin in elna an nei nghal a ni.

Attachment

  • Loading attachment...