Vawiin khan ni li 4 chhung awh tur State Agriculture Management & Extention Training Institude( SAMETI) Aizawl buatsaih in Training neih a ni. Training hi Pi Lalbiaksangi, Chairman Governing Board, ATMA Mamit District/ District Bawrhsap ni bawk chuan khuallian niin a hawng.

Pi Lalbiaksangi chuan a Mamit District chhungah mithiamte’n kan kawtzawl ngei ah a vawikhatna atan ei leh bar leh kan nitin eizawnna- ah  hma kan sawnna tur atana training an rawn buatsaih chu lawmawm a tih thu a sawi a, kuthnathawktu kalkhawmte chu hlawk taka training hmang turin a chah, Mamit District chhunga Sangha khawitu te tan tun aia hmasawnna tur awmte haichhuah tuma taima tak leh tih tak takna nena hmala zel turin a sawm bawk a ni.

Vawiin training ah hian Pu V. L Hmingaihchhunga, Deputy Director SAMETI chuan inlawmna thusawiin, SAMETI hnathawh dan tlangpui leh Sangha khawitute tana hriattur hrang hrangte a tarlang a.  Dr B. Lalremsiami, Training course Co-ordinator in training kalpui a nih dan tur leh ni li chhung hun hman dan tur tlangpui sawizauna a nei bawk.

Training hun hawnna hi Pu Lalbiakthanga Pachuau. AEO, Mamit in a kaihruai a, Pu Gregory Malsawmkima, Deputy Project Director, ATMA Mamit chuan lawmthu sawina a nei bawk.

Training ah hian Mamit District chhunga Sangha khawitute an tel a,  ni 10 ( Friday) thleng a awh ang, training kalpui a nih chhung hian sangha khawina hmunpui Darlak ah te Field visit leh training  te nei tura ruahmanna siam a ni.