No.7491/2020-2021

Vawiin khan DC Conference Hall, Mamit-ah Biotech KISAN hnuaiah "Scientific Pig Husbandry Practices" training ni thum awh tur neih a ni.

Vawiin Training-ah hian Indian Council of Agricultural Research Kolasib-a mithiam pahnih, Dr. Lalhruaipuii, Scientist/ Principal Investigator leh Dr. Vanlalhriatpuia, Young Professional te'n Mamit District chhunga khaw 4, Bawngva, Darlak, N. Sabual leh Vawngawnzo khua-a Vawk vulh tura thlan chhuah tawh mi 15 theuh te hnenah vawk vulh dan leh a enkawl dan zirtirna an nei a. Heng khaw 4 a Vawk vulh tura thlan chhuahte hi nikum October 2020 khan Vawkte 2 theuh pek tawh an ni a, a chaw tur Pig feed Bag 1 theuh pek an lo ni tawh bawk a ni.

Department of Biotech, Ministry of Science & Technology, Govt.of India-in North East State-a Aspirational District 7 te hnenah he Scheme Biotech KISAN hi kalpui a ni a. He Training Programme hawnna hun hi Video Conference hmanga neih niin Dr. Gaya Prasad, Ex-ADG, ICAR, Dr. Vijay Kumar Mishra, Director, ICAR NEH Region leh Dr. R. Laha, Hub Facilitator, ICAR te'n he hun hi an hmanpui a ni.

Ni thum awh tur he Training-ah hian hri laka an him theih nan thianghlim taka vawk vulh dan, chaw tha tlawm si siam dante leh vawksa atanga value added products siam dan ICAR mithiamte hnen atangin zirtirna neih a ni dawn bawk a ni.

Vawiin training-ah hian Bawngva, Darlak, N. Sabual leh Vawngawnzo-a vawk vulh tura thlanchhuah beneficiary te, DIPRO Mamit bakah sawm bikte an tel a ni.