Nimin khan 5th IR Battalion hmunpui Lungverh ah State Disaster Response Force Training Batch 9-na atan training neih tan a ni a. Training hawnna inkhawm hi Pu P.C. Lallawmsanga IPS, Principal Secretary, Disaster Management & Rehabilitation chuan khuallian niin a hmanpui a, Pu C.Lalpeksanga, Director, Disaster Management & Rehabilitation in training hawnna hi a kaihruai a ni.

Training hawnna hun hi Pu Thomas Zorammawia, AIG (Trg), Pu L.R. Dingliana, Aizawl SP te Pu Lalhuliana Fanai, Commandant 5th IR Battalion te leh Police Officer eng emaw zat in an hmanpui a, training tur hian 2nd Bn. MAP Lunglei leh 2nd IR Bn. Khawzawl atangin 30 ve ve thlan an ni a. Ni 4th July, 2014 thleng training hian a awh dawn a ni.

Pu P.C. Lallawmsanga, IPS Principal Secretary, Disaster Management & Rehabilitation chuan Mizoram hi leimin leh lirnghing nasa tak thlen theihna hmun anih thu te a sawi a, he training an neihnaa an zir chhuah te chu an awmna hmun theuh a hmang tangkai tur leh Doctor leh Nurse te awm lohna hmun ah pawh mi tangkai tak an nih theih tur a sawi bawk a ni.

SDRF Training chhuak 424 (Zali sawmhnih pali) sorkar in a neih tawh thu leh India ram ah pawh trained nei tam ber leh active ber an nih thu a tarlang bawk. An zirchhuah hunah pawh an thiamnate chu Mizoram tan hman chhunzawm zel turin khuallin chuan training tur te chu a chah ani.

He hun hman puitu Pu L.R. Diangliana, SP Aizawl te, Pu Lalhuliana Fanai, Commandant 5th IR Bn. te pawhin fuihna thu tha tak ansawi a discipline tha tak nei a anmahni training petute thu zawm a thuawi tak a hlawhtling tak a train chhuak turin an chah ani.

Pi Zosangzuali Pachuau, Deputy Director, Disaster Management & Rehabilitation in Pathian hnenah hun tha tak an neih avangin lawmthu a sawi a, Mizoram Sorkar leh NDMA te leh NDRF te hnenah lawmthu sawiin hun a hmang a ni.

Nimin vek khan Pu P.C. Lallawmsanga, Principal Secretary, Disaster Management & Rehabilitation Office-ah Disaster Management chungchang meeting neih a ni a, he hunah hian kal Cordaid atangin team leader Pu Ankus Vengualekar, rawn kalin CYMA Disaster Management & Rehabilitation, Fire Department Officer ten inkawm hona hun tha tak an nei a. Mizoram a thawhho dan tur an sawiho.

Hemi ni vek hian Geo Hazard International atangin mithiam te nen in kawmhona an nei bawk.