Mizoram State Election Commission chuan 23rd July, 2013 a Aizawl District a khaw 13 leh Kolasib District khaw 2 a Village Council inthlanna (by-election) neih turah vote thlak thei tawh Electoral Photo Identity Card la nei ve loten vote an thlak dan tur ruahmanna a siam.

State Election Commission in a tarlan danin vote thlak turte chuan vote an thlak dawnin an vote thlakna tur bial (constituency) chhungah leh vote an thlakna Polling Station awmna khuaah an awm ngei a ni tih finfiahna, Representation of the People Act 1951 dan anga pek chhuah Electoral Photo Identity Card (EPIC); anmahni thlalak chuanna ngei chu Presiding Officer emaw Polling Officer hmaah an tilang tur a ni a. Amaherawh chu voters ten inthlan ni 23rd July 2013 ah he Identity Card hi an nei hman lo emaw an lo tibo palh a nih chuan, Presiding Officer emaw Polling Officer ten khua leh tui dik tak an ni ngei a ni tih finfiahnan EPIC aiah heng a hnuaia mite hi an hmang thei ang.

1. Passport.

2. Driving Licence.

3. Income Tax Identity (PAN) card.

4. Service Identity Card state sawrkar, Central sawrkar, Public Sector Undertaking, Tualchhung Company ten an hnathawktute hnena an pek chhuah.

5. Sawrkar hriatpui Bank, Post Office leh Kisan Account bu (8.7.2013 leh hma a hawn)

6. Dan ang thlapa hmun loram neihna lehkha pawimawh heng Patta na lehkha leh an thlalak.

7. SC/ST/OBC certificate 8.7.2013 emaw a hma lama pek chhuah.

8. Pension lehkha pawimawh, heng Ex-servicemen pension bu, pension lakna order, ex-servicemen nupui emaw an pension chhawmna certificate 8.7.2013 emaw he mi hma a pekchhuah.

9. Zalenna sualtu (Freedom Fighter) Identity Card.

10. Silai Licence (8.7.2013 emaw a hmaa pekchhuah)

11. Pianphunga rualbanlo certificate leh an thlalak ni 8.7.2013 emaw a hma lama a pe thei ngei thuneitute pek chhuah.

12. MGNREGA Job Card leh an thlalak ni 8.7.2013 emaw a hma lama pek chhuah.

13. Health Insurance Scheme Smart Card mi 8.7.2013 emaw a hma lama pek chhuah.

14. Student Identity Card, an institution Head-in a pek chhuah te an ni.