Vawiin khan Kolasib DC Conference Hall-ah Election Observer Pu K. Lal Nghinglova, IAS hovin Kolasib- ah meeting pawimawh tak neih a ni a. General Election lo awm tur atana inpuahchahna hrang hrangte thlir hovin Model Code of Conduct te an zawm tha em tih Election Observer hian a thlir nghal a ni.

Pu K. Lal Nghinglova chuan Kolasib District chhunga constituency pathum, Kolasib, Tuirial leh Serlui –ah tea inpuahchahna an kalpui dan chu tha thawkhat hlea a hriat thu a sawi a. Electoral roll buaipui leh claims & Objection buaipui a nih tein party hruaitute chu nakin hnu-a sawisel leh phun a awmlohna tura an mi leh sate tel taimak tir turin a hrilh a. Sawrkar mite pawhin dik thei ang bera hna thawk turin a chah a ni.

Vawiina meeting-ah hian Pu Lalfela Sailo, DC Kolasib bakah sawrkar mi pawimawh te, Political party aiawhte leh NGO thenkhatte an tel a ni.

Kolasib District chhungah hian a vaiin Voter mi 50745 an awm a, Tun dinhmunah Bru Transit Camp, constituency pathumah voter 1708 an awm bawk a ni.