Lai Autonomous District Council (LADC) chhunga Village Council By-Election neih turah State Election Commission (SEC) chuan political party leh candidate-te zawm turin Model Code of Conduct a puang a, June Ni 7, 2018 atanga June Ni 29, 2018 chhung a huam ang.
By-Election neihna tur Village Council ah hemi hun chhung hian :-
1) State Election Commission phalna tel lo chuan sawrkar Department hrang hrang leh Public Undertaking Corporations-ah hna lak emaw appointment thar inpek emaw khap a ni. Written test, personal interview leh candidate selection process dangte a huap a. Hei hian State Public Service Commission thil tih a huam ve lo a ni.
2) Heng area huamchhunga sawrkar hnathawkte transfer leh posting tih danglam phal a nilo. By-Election neih tur puan hmaa transfer order lo chhuak tawhte a huam lovang.
3) Sawrkar inrelbawlnaa indaihloh avanga transfer loh theihloh thilah Department ten State Election Commission chu transfer an mamawh chhan sawifiahna nen a phalna an dil thei ang.
Model Code of Conduct kalpui a nih chhung hian LADC area huamchhunga sawrkar hnathawk – State, Autonomous District Council, Central Sorkar hnuaia thawk emaw, Public Sector Enterprises hnuaiah leh sawrkar atanga puihna hmu Statutory Body hnuaia thawk reng reng chu Code of Conduct hian a huam tel bawk ang a. A hnuaia tarlan hi sawrkar hnathawk ten election laia an zawm tur a ni:
1) Election laiin tan bik nei lovin hna a thawk tur a ni a, party campaign-ah a in hnamhnawih tur a ni lo.
2)Sawrkar hnathawk in election candidate-te a pui tur a ni lo.
3)Sawrkar hnathawk ten Minister/Chief Executive Member/Execuitve Member/ District Council Member emaw political party candidate emaw party worker-te a tawiawm tur a ni lo.
4) Law and Order hna thawk Police-te chu candidate meeting-a tela ngaih an ni lovang.
5) Election thila meeting neih naah langsar takin an che/tawng tur a ni lo.
6)Political party emaw candidate nena official level indawrna ah thu lai an la tur a ni a, party/candidate ten election chungchanga sawiselna an thehluh pawhin hleih nei lovin an kalpui tur a ni.
7)Sawrkar hnathawk code of conduct bawhchhia chu Central Civil Services (Classification, Control and Appeal) Rules, 1965 hmanga hrem theih an ni.
