State Election Commission chuan Mara Autonomous District Council (MADC) inthlanna a puan tawh avangin Saiha District huam chhunga Sorkar hnathawkte (Central leh State), Public Sector Undertaking hnathawkte (Central leh State enkawlna hnuai ami) leh Sorkar hnuaia Statutory Body-a hnathawk te chu Moral Code of Conduct in a huam tel tih thuchhuah siamin a tarlanga, an zawm tur a hnuaia ami ang hian a hriaittir bawk a ni.

1). Sorkar hnathawk reng reng chu inthlan chhung hian hleih nei lova, candidate te leh political party awn zawng emaw, an kalh zawng emaw eng campaign ah mah inhnamhnawih lo turin a hriattir a. 2). Sorkar hnathawk tu mahin candidate te an pui tur a ni lo. 3). Sorkar hnathawk tu mahin, Minister emaw, political party-a thuneitu emaw inthlan campaign reng rengah an tawiawm tur a ni lo. 4). Sorkar hnathawk tu mahin political meeting reng rengah a tel a thiang lo, hei hian dan leh thupek kengkawhtu te leh venhim hna thawktu te a huam tel lovang. 5). Dan leh thupek kenkawh hna thawktu Police te chu heng meeting ah te hian thil dang vanga tel ni a ngaih loh tur a ni. 6). Sorkar hnathawk te, an nitin hnathawh naah political party hrang hrang ten, an rawn dawrin, tan lam bik eng kawng mahin an neih a thiang lo. 7). Political party te, candidate te leh an puitu ten complaint an thehluh in, Police ten hleih nei lovin hma an la tur a ni. 8). Code of Conduct bawhchhe reng reng Sorkar hnathawkte chu Central Civil Services (Classification, Control, and Appeal) Rules 1965 hmangin hrem theih an ni ang.