Vawiin chawhnu dar 1:00 khan Pu S.Laldingliana, Parliamentary Secretary chuan Tawipui bial hnuai a khua 5(panga) Mualcheng ‘S’, Tawipui ‘N’-II, Thualthu, Mamte leh Tawipui ‘S’ te tan Soil & Water Conservation Deptt. hnuai atanga NLUP 2nd Installment dawng tur te hnen ah hlan na a nei.

Pu S. Laldingliana chuan thusawiin vawiin ah hian mawhphurhna sang tak in ko a in nghat chungin NLUP 2nd Installment hi in dawng dawn a, rinawmna leh taimakna nen Pathian hre reng chung leh tumruhna nei chungin he pawisa hi dawng ula a hman na dik tak ah chauh hmang ang che u, sawrkar chuan mi harsa leh chanhai te kan dinchhuah theih na turin a tih tur ang tih theih zawng zawng chu a tizo tawh in kaimahni ngei kut ah a in nghat ve ta a ni a ti bawk. Pu S. Laldingliana chuan sawrkar hma lakna leh hmachhawp mek te sawilang in kalkhawm mipui te chu midang te sawiah dah mailova sawrkar hmalakna hrang hrang te chu ngun tak a zir chiang turin a ngen bawk a ni.

He hun ah hian Coffee trade thlang tu mi 1 tan Rs. 40,900 zel niin, mi 14 hnen ah Rs. 57,2600 leh hmunphiah hmun siam tan mi 1 tan Rs. 48,220 zel sem a ni bawk in mi 62 hnen ah Rs. 29,89,640 pek niin, a vai in beneficiaries 76 hnen ah Rs. 35,62,240.00 sem ral a ni.

He inkhawm tawi neih ah hian Pu Rohlupuia, VCP, Tawipui ‘S’ in kaihruai a, Lunglei lam a tang Dr. Zolianthanga, Civil Hospital leh Line Deptt. hotu ten an tawi awm a ni.