No.3084/2021-2022
Aizawl, the 22nd November 2021 : Vawiin khan State Election Commission (SEC) chuan Mara Autonomous District Council hnuaia Village Council 7 - Council Vaih, No-aotlah, Amobyu ‘Ch’, Saisi, Tipa V-II, Zyhno leh Khopai a Village Council Member 12 thlanna tur leh seat hauhsak (reserved) 2 hnawhkhahna atan hriattirna an tichhuak.

SEC hriattirna ang chuan he inthlanna atana chuh tumten chuan ni 29.11.2021 thleng an hming an pe lut thei anga. Hming pekluh te hi 30.11.2021 ah endik niin inhnukdawk duhte tan ni 02.12.2021 thleng an inhnuhdawh phalsak an ni anga a. Hemi ni vek tlai dar 3:00 ah Candidate te tana chinchhiahna(symbol) inpekna neih a ni anga. December ni 16, 2021, Ningani (zing dar 7 atanga tlai dar 4 thleng) he inthlanna atana vote thlak ni atan ruat a ni a. Vote tla te hi, vote thlak theih hun a tawp hnu, hemi ni vekah chhiar tan nghal tur a ni ang a. He inthlanna chungchanga kaihhnawih thil hrang hrang te chu 20.12.2021 ral hmain tifel vek tur a ni ang.

Inthlan puan anih taka chuan SEC chuan Model Code of Conduct chu heng bialah te, vawiin (22.11.2021) atangin he inthlanna result puan fel anih hma chu hman tan nghal ani tiin an hriattir a. Hemi rualin Model Code of Conduct chungchanga political party-te leh candidate-te tana inkaihhruaina leh Sawrkar hnathawkte tana Model Code of Conduct an zawm tur pawh an tichhuak bawk a ni.