No.3085/2021-2022
Aizawl 22.11.2021: Lai Autonomous District Council huam chhunga Mualbu ‘L’ (1 General Seat), Darnamtlang (1 General Seat), Lungpher ‘S’ (1 General Seat) leh Vawmbuk II (Vaivakawn) (1 General Seat)-ah te leh Chakma Autonomous District Council huam chhunga Borapansury-II (6 General & 1 Reserved Seats), Ajasora-II (5 General & 1 Reserved Seats), New Jagnasury-I (1 General Seat), Samuksora (1 General Seat), Parva - IV (5 General & 1 Reserved Seats) leh Kamalanagar - V (2 General & 1 Reserved Seats) ah te hian member boral avangte, member ban leh bang avangte leh Village Council dissolved avang te in Casual Vacancy a awm a. Heng hmun ruak hnawhkhah nan hian Article 243K leh 243ZA of the Constitution of India-in thuneihna a pek angin leh Lai Autonomous District Council leh Chakma Autonomous District Council Village Councisl Rules te’n thuneihna a pek angin, State Election Commission, Mizoram chuan 16th December, 2021 (Ninganni) hian inthlan a buatsaih dawn a ni.

Hemi rual hian heng inthlanna neihna turin a huam chhungah hian Model Code of Conduct puan nghal a ni a. Political party te, candidate te leh public office chelhtute chu By-Election result puan a nih hma chu MCC hian a phuar tawh dawn a. Chutiang chuan state sawrkar, autonomous district council, central sawrkar, state emaw central public sector enterprise te leh LADC leh CADC huamchhunga sawrkar atanga hamthatna hmu statutory body-te chu MCC hian a huam tel dawn bawk a ni.

1. Electoral Rolls: A chunga tarlan tak ang hian Mualbu ‘L’, Darnamtlang, Lungpher ‘S’, Vawmbuk II (Vaivakawn), Borapansury – II, Ajasora - II, New Jagnasury - I, Samuksora, Parva- IV leh Kamalanagar - V Village Council Constituency-ah te hian MDC inthlanpui roll hnuhnung ber chu draft roll ah hmangin siam a ni. Tichuan tahrik ni 01.01.2021 chu kum tling leh tlinglo tehkhawng a hmangin Final Roll chu ni 18.11.2021 khan Final Roll tih chhuah a ni.

2. Identification of Electors: Vote thlak turte chuan an nihna tichiang turin Election Commission of India-in an siam EPIC an keng ngei tur a ni a, an neilo anih chuan mahni nihna ti chiang thei tur Identity Card dang an keng tur a ni.

Vote thlak anih dawn in vote “neitu dik tak a ni” tih chian theih anih loh chuan vote an thlak ve thei lovang.

3. Dan leh thupek: Inthlanna felfai leh muanawm neih theih nan dan leh thupek kengkawh turin District Magistrate leh Superintendent of Police-te beisei an ni a. Eng thil mahin inthlanna hi a tibuai tur a ni lo.

4. Election Officials: Deputy Commissioner, Lawngtlai District chu District Election Officer atan ruat a ni a, Addl. DC, Lawngtlai District pawh Assistant District Election Officer atan ruat a ni. Returning Officer, Asst. Returning Officer, Presiding Officer leh Polling Officer atan hian Sawrkar hnathawk, mi rintlak tak takte ruat an ni bawk.

5. Conduct of Officials: State Election Commission chuan inthlan a buatsaihna a mawhphurtu tupawh in duh sak bik emaw hlauh bik emaw an neih a rem ti lova, a lai thei ang bera hnathawk tura beisei an ni. An zavai hian inthlan zawh hma chu State Election Commission hnuaiah deputation a kal anga ngaih an ni a, Commission thuneihna hnuaiah an thawk a ni.

6. Ballot Box leh Ballot Paper: He By-Election ah hian Ballot Box leh Ballot Paper hman tur a ni anga. Inthlan neih tur hi General Seat-ah Ballot Paper var (white) hman tur a ni anga, Reserved Seat-ah Ballot Paper senno (pink) hman tur a ni ang.

7. Indelible Ink: Vote thlak nawn leh mi aia vote thlak tumte ven nan vote thlaktute
kut veilam zungchal tin leh vuna kai telin Indelible Ink hnawih vek tur a ní ang.

8. Common Election Camp: Party worker-te inkara boruak tha lo pumpelh nan Polling Station bulah Political Party-te leh Candidate-te awmkhawm nan Common Election Camp pakhat chauh siam phalsak a ni a, he camp hi mawlmang thei ang bera siam tur a ni. Flag-te, Poster-te, Symbol-te leh thuziak, Political Party emaw Candidate lam kaihhnawih ziahna engmah tar loh tur a ni. He camp-ah hian pawm tlan theih tuemaw in a ho ang.

9. Village Council Term: Tun tum By-Election a LADC hnuaia Village Council member thlan thar term hun chhung hi General Election to Village Council under LADC 2018 term tawp rualin a tawp anga, chutiang bawkin CADC hnuaia Village Council member thlan thar term hun chhung hi General Election to Village Council under CADC 2020 term tawp rualin a tawp ang.

10. Model Code of Conduct: He By-Election ah hian dan pangngai ang thlapin Model Code of Conduct a awm anga, chu chu vawiin atangin Mualbu ‘L’, Darnamtlang, Lungpher ‘S, Vawmbuk II (Vaivakawn), Borapansury - II, Ajasora - II, New Jagnasury - I, Samuksora, Parva - IV leh Kamalanagar - V Village Council Constituency huamchhungah lekkawh a ni. He Model Code of Conduct hian Political Party zawng zawngte, Contesting Candidate zawng zawngte, Minister-te, Member of Parliament-te, MLA-te, MDC-te leh Village Council inthlannaa inhnamhnawih Public Servant te a huam ang.

Schedule of Election :

11. Appeal: State Election Commission chuan inthlanna fel fai leh muanawm a awm theih nan inthlan buaipuitu, Political Party te, Media te, NGO te leh mipui tawiawmna a ngen a. Mipui duhthlanna kal tlanga tualchhung inrelbawlna tha tak neih zui zel theih nana theih tawp chhuah theuh turin mitin te a ngen a. Vote nei te chu vote thlak theuh turin a sawm a ni.