No.3086/2021-2022
Dated Aizawl, the 22nd November, 2021: African Swine Fever (ASF)- in Serchhip District khaw tam zawk chu tuam chhuak tawhin tunah chuan hmun tam takah ziaawm lam a pan ni a hriat a ni a. Pu Kumar Abhishek, IAS, District Magistrate chuan vawk vulhtute harsatna sutkian a nih theih nan vawk talh dan leh phurhsawn dan tur ruahmanna a hnuai ami ang hian thupek a chhuah.

1. Vawk hrisel tha ni a hriatte chu Village Council hriatpuina leh phalnain talh theih a ni ang. VC-ten a neitu hming, address, phone number, vawk talh zat record tha takin an vawng tur a ni.

2. Vawk talhtu/puahtuten fimkhur takin an talhna hmuhma tha takin an tithianghlim tur a ni. Vawk thisen leh ningnawite halral/phum bo emaw damdawi emawa kah thianghlim tur a ni. Anmahni leh thawmhnawte pawh tha takin an tifai/silfai leh tur a ni.

3. Serchhip District chhung bikah chuan hri awm lohna khuaahte vawk lakluh leh thawnchhuah phal a ní a, tualchhung vawk ngei a ni tih hriatpuina VC lehkha leh Animal Health Certificate, Veterinary Officialte hnen atangin an nei ngei tur a ni.

4. Heng baka tul dang awmte chu A.H. & Vety Dept. Officials, VC, Sub Hq YMA leh Sa Zuar Association ten ni 15.11.2021 a ruahmanna an siam hi thu leh awm hma chu hman chhunzawm tur a ni.

He thupek hian Order chhuah a nih atanga thla 2 (two months) chhùng a huam ang.

He thupek zawm lo chu Section 188 IPC dan hmangin hrem theih an ni ang.