Zan thum riaka lo zin ram chhung hmun hrang hrang atanga State Election Commissioners kalkhawm te chuan vawiin khan Hmuifang leh Falkawn an tlawh.

Hmuifang-ah hian Aizawl DC Pu Franklin Laltinkhuma’n State Election Commissioners te tan chaw hlui buatsaih sakin Mizo hnam lam chi hrang hrang entir an ni a. Chawhnu lamah Falkawna Zokhua fanpui an ni. Mikhualte hian Mizoram tlangram mawi an tih thu leh a boruak pawh thengthaw nuam an tih thu an hrilh fak.

State Election Commissioners lo zin te hi Standing Committee Chairperson Pi Renu Sahni Dhar, IAS (Rtd), Election Commissioner for UTs in a ho a, Karnataka SEC Pu CR Chikkamath, IAS (Rtd) te; Madhya Pradesh SEC Dr Ajit Raizada, IAS (Rtd) te; West Bengal SEC Pi Mira Pande, IAS (Rtd) te; Andhra Pradesh SEC Pu P. Ramakanth Reddy, IAS (Rtd), Rajasthan SEC Pu AK Pande, IAS (Rtd) te bakah sorkar laipuia Addl. Secretary Dr. Hrusikesh Panda, IAS chu sawm bik a nih angin a lo tel ve a ni. Ruahmanna ang chuan naktuk hian Kolkata panin Aizawl an chhuahsan ang.

Mizoram State Election Commissioner Pu C.Ropianga, IAS (Rtd) leh State Election Commission Secretary Pu P. Lianhrima ten mipawimawh lokal te hi Aizawl an cham chhung leh an veivahna zawng zawngah hian an tawiawm a ni.