State Election Commission chuan Chakma Autonomous District Council (CADC) huam chhunga Village Council inthlanna February ni 25, 2015 a lo awm tur atan hriattirna a chhuah tawh a, he inthlanna atana Model Code of Conduct pawh kenkawh nghal a ni a. Model Code of Conduct bakah a hnuai ami ang hian hriattirna a chhuah belh a ni.

1. State Election Commission remtihna la hmasa lovin Sawrkar Department-te leh Chakma Autonomous District Council (CADC) hnuaia Department te leh Public Undertaking Corporation ten written test leh personal interview hmanga hna lak thin ang chi, eng hna mah lakna atan hma an la tur a ni lo a, hei hian State Public Service Commission ina hna an lak chi a huam tel lovang.

2. Model Code of Conduct kengkawh hun chhungin CADC huam chhunga Village Council area chhunga officer leh official awm mek te siksawi emaw, sawn emaw a rem lo a. CADC huam chhunga Village Council Inthlanna hriattirna chhuah hma a siksawina thupek (transfer order) chhuah mahse Model Codel of Conduct kenkawh anih hnuah heng transfer order la kalpui lo chu SEC remtihna la hmasa lovin an kalpui tur a ni lo.

3. Inrelbawlna avanga mamawhna leh tulna ‘administrative exigencies’ ang chi ah, Officer emaw official emaw siksawi(transfer) a tul chuan, a Department kaihhnawih chuan a tulna chhan te sawifiahin SEC hnenah an thlen tur a ni.