Mizoram-a District pahnih, Aizawl leh Kolasib District-a July 23, 2013 a Village Council By-Election-a member thlan tharte chuan ni 27.7.2013 aia tlai lovah Village Council Executive Body siam fel vek tur a ni. Ni 30.7.2013 ah Village Council thar ten charge an la fel in Returning Officer kaihhruainain Sitting hmasa ber (First Sitting) an nei vek tur a ni bawk.

Majority awm lohna (drawn) leh harsatna eng emaw bik avanga ni 27.7.2013-a Executive Body siam thei lote chuan acting Village Council President an siam ang a, acting Village Council President-te chuan ni 30.7.2013-ah Village Council charge an la tur a ni. Amaherawhchu, ni 12.8.2013 hmain Village Council Executive Body an siam fel tur a ni.

Village Council thlan thar zawng zawng Executive Body ni 27.7.2013 a siam fel tawhte chuan ni 5.8.2013 aia tlai lovah Executive Body an siam thar (list) chu bialtu DEO-ah an thehlut tur a ni. Executive Body ni 27.7.2013 a siam thei lote erawh chuan ni 12.8.2013 ah emaw a aia hmain emaw Executive Body an siam chu bialtu DEO-ah an thehlut ngei tur a ni.