Aizawl Distrtict leh Kolasib District huamchhunga Village Council by-election tun thla ni 23 a neih tur chungchangah candidate leh an thawhpuite lirthei hman dan tur chungchangah State Election Commission chuan danin thuneihna a pek angina khuahkhirhna a siam.

SEC thuchhuahah chuan candidate te emaw an aiawh agent emaw midang tupawhin inthlan ni ah vote thlak tur mihring phurh kual nan lirthei eng chi mah man chawi a hman (hire), lei (procure) leh hman (use) hrim hrim a khap. Candidate tin ten anmahni dinna veng/ khaw chhung bila tan an hman tur lirthei pakhat phalsak theih an ni ang a, Returning Officer hnen atangin dilna buatsaih sa hmang a lirthei hman phalna hi pek theih a ni ang.