Vawiin khan Central Hall, Venghlui ah Secretariat a Group D hnathawktute chuan an pawl khawmpui lian neiin hruaitu thlanna an nei a. He hunah hian Health Minister Pu Lal Thanzara chuan khuallian niin a hmanpui.

He huna thusawitu, Health Minister Pu Lal Thanzara chuan sawrkar hnathawkte chu dan khauh takin a phuar avangin party politics ah an inhman a thian loh thu sawiin dan kalha khawsa mekte pawhin an sim nghal a ngai ang a ti. Hun vawn dik leh hlawh phu a hnathawh chu an mahni ruaitu sawrkar leh mipui tana an mawhphurhna a ni tih sawrkar hnathawk ten hre thar leh turin a chah a ni. Politician te ang bawkin sawrkar hnathawk te ber atang lian ber ber te chu mipui rawngbawl tu an nih avangin office dawrtu, a te leh lian zawkte pawh hawihhawmna kawr ha chunga lo chhawn thin turin a chah tel bawk a ni.

Secretariat Group D pawl ah hian Secretariat Group D staff bakah ATI leh Aviation Department a Group D zawng zawng te pawh tel vekin member 388 an awm mek a.

Vawiin a khawmpui an neih takah hian an member fam tawhte sunna hun an hmang nghal bawk a ni.