Vawiin khan I & PR Auditorium-ah, Economics & Statistics Department chuan Aizawl District huam chhunga naute pianghlim leh mitthi chhinchhiahtu, veng tin leh damdawi in tina awm, Registrar of Births & Deaths te tan nikhat awh Annual Training an buatsaih.

Training hi Pu Lalrikhuma, Joint Director, Economics & Statistics Department chuan kaihruaiin, Pu Vanlalrema, Addl. Chief Registrar leh Director, Economics & Statistics ni bawk chuan inlawmna thuchah a sawi a. Naute pianghlim leh mitthi chhinchhiah pawimawh dan te leh a kalhmang inhrilhhriatna chungchangah Pu Lianmawia, Deputy Director, (RBS) chuan kalkhawmte hi zirtirna a pe. He Training hmanpuitu dang Pu Thomas Lalrammawia, Judicial Magistrate 1st Class, Aizawl District pawh thusawiin dan leh hrai atanga naute pianghlim leh mitthi chhinchhiah leh report a pawimawh dante leh an mawhphurhna chungchang te a sawi bawk a ni.

Mizoram pumah hian Registration of Births & Deaths unit 830 vel a awm a, hengte hi veng leh dawmdawi in tinah te a awm a, Aizawl district huam chhungah hian hetiang unit hi 198 vel a awm mek a, vawiina training ah hian Aizawl District huam chhunga he mawhphurhna kengkawhtu chu an kal kim vek a ni.

Ram pumah Registration of Births & Deaths kengkawhtu hi Ministry of Home Affairs hnuai a awm Registar General of India niin za a za naute pianghlim leh mitthi chhinchhiah an tum a ni. Regsitration of Birth & Deaths Act, dan hi kum 1969 atanga ram puma hman tan a ni.