Vawiin khan Land Revenue & Settlement Minister Pu R. Romawia chuan Directorate of Land Revenue & Settlement, Conference Room ah nikhat awh Worshop neih ‘ Workshop on Assessment and Collection of Revenue Tax and Implementation of Stamp and Registration’ tih chu a hmanpui. He Workshop hi Pu Zothankhuma, IAS, Secretary, Land Revenue & Settlement Department chuan kaihruaiin Aizawl, Lunglei, Serchhip, Mamit, Kolasib leh Champhai District-a Deputy Commissioner leh an aiawhte, District tina Revenue Office-a Settlement Officer, Asstt. Settlement Officer leh Asstt. Survey Officer te an tel a ni.

Pu R. Romawia chuan ram pass pekchhuahna kawngah dik tak leh fel tak a ti a, Department-a thawk zawng zawng te rinawm leh taima taka an hna theuh thawk turin a fuih a. Lal lal lai atang leh British hunlai atang tawh a hmun lo ram, In hmun leh ram mamawhtu dik tak ten ram an neih ngei theih nan a sawrkarin hma chak taka a lak mek thu a sawi a. Chhiah khawn chungchangah chhiah petuten awlsam zawk a chhiah an pek theihna turin hmalak a nih thu sawiin District tina Deputy Commissioner-te chu chhiah khawn kawnga nasa lehzuala tan la turin a fuih a ni.

Compensation chungchang sawiin Minister chuan Sorkarin mimal ram a lak chungchang dik tak leh fel taka hna thawk a, rinawm taka compensation kalpui thin turin a fuih bawk a ni.

He Workshop-ah hian Assessment & Collection of Revenue Taxes tih chu Pu R. Lalramnghaka, Director, Land Revenue and Settlement in zirtirna a pe a, Stamp & Registration chu Pu K. Vanlalthiana, Deputy Director-in zirtirna pein Land Acquisition chungchang chu Pu Chalsawithanga, Deputy Secretary, Revenue Department-in zirtirna a pe bawk.

He Workshop-ah hian Registration Fee leh Stamp duty atangin kumin Sawrkar Kum kal laiah hian Rs.2,01,77,268.00 khawn a ni tawh tih tarlan a ni bawk.