Vawiin chawhnu khan Directorate of Health Services Conference Hall-ah Doctor lak thar mi 31 leh Specialist 5-te tana buatsaih, ni li chhung awh Induction Training kharna hun hman a ni a, he hun hi Pu H.Lalengmawia, IAS, Secretary, H&FW chuan Khuallian niin hun a hmanpui. Induction Training kharna inkhawm hi hi Dr. H.Lalchungnunga, Director of Health Services-in a kaihruai a.
Secretary, Health and Family Welfare chuan fuihna thu tha tak tak sawiin doctor-te chu thuhnuairawlh leh inngaitlawm taka mite dawr thin tur leh, rinawm taka mahni hnaa inpumpek turin a chah a ni. He training kharna inkhawmah hian programme officer te an tel kim hie a. Dr.Vanlalsawma, Joint Director (FW) in lawmthu sawiin hun hnung a khar a ni.
Training neih zawh takah hian Office Procedure, Conduct Rules, Accounting, Reporting leh Health and Family Welfare hnuai programme hrang hrang a Medical Officer-te mawhphurhna te inzirtir a ni.
