Vawiin khan NLUP Conference Hall-ah Pu H. Liansailova, Vice Chairman Mizoram State Planning Board kaihhruaina hnuaiah a vawikhatna atana Sectoral Surveilance Meeting neih a ni.
Sectoral Surveillance in a tum ber chu Mizoram Economy a sector tin te performance review a ni a. Sector tin ten economy (growth) a an contribution te thlir bakah Department hrang hrang ten ram hmasawnna atana an hnathawh dan bihchianna neiin Department te hnathawh kawngah leh inlungrual (cooperative) taka ram hmasawnna atana an thawh theih nan rawtna awm ang te an thlir ho a ni.
He meeting-ah hian plan process leh funding sources hrang hrang zirhona neih a ni a. Department hrang hrang ten an Department chan theuh dinhmun an thehluh atanga Department hmalakna tur hawi zawng te, thawhho that zawk dan tur te, kalphung fel zawk awm thei te, asset neihsa tangkai zawka hman dan tur te leh hmasawnna kawnga chak zawka hmalak dan tur hrang hrang an sawiho a ni.
He meeting-ah hian Scenario Building excercise neih a ni bawk a. Department hrang hrang ten an dinhmun mek ni a an hriat (base case) atanga chhut a, sum awmlo zui zel ta sela Department in ram hmasawnnan engtin nge hna a thawh zel ang (worst case scenario) leh sum duhkhawp dawng theiin awm sela Department ten ramhmasawnna atan enge an thawh theih (best case scenario) te sawihovin an zirchiang bawk a ni.
He meeting-ah hian Mizoram Sawrkar Secretaries te leh Heads of Departments te an tel tha hle a, Dr C. Vanlalramsanga, Secretary (Mizoram State Planning Board) leh Planning Secretary, leh Pu P.L.Thanga (Member Secretary leh Full Time Member, Mizoram State Planning Board) ten an telpui bawk a ni.
Vawiin chawhma dar 10:30 atanga tanin Agriculture and Allied Sectoral Surveillance neih a ni a. Chawhnu lam dar 1:30 atanga tan in Infrastructure Sectoral Surveillance neih a ni bawk. Services Sector leh Human Development Sector te Surveillance meeting hun tur a ruat ni 25 February 2015 chu remchan zawkna avangin ni 3 March 2015-ah neih chhunzawm tur a sawn a ni.
