The Indian National Trust for Art & Cultural Heritage (INTACH) chuan Heritage Club, Mizoram te bul tumin I&PR Auditorium ah vawiin nileng in Workshop an hmang. Mizoram Chief Secretary Pu Lalmalsawma’n a hmanpui a ni.

Hawnna thu sawiin Khuallian Pu Lalmalsawma, IAS Chief Secretary chuan khawvel ram changkang zawk te chuan an hnam leh ram thil, Pi pute sulhnu humhalh nachang an hriaa. Mizote hi hnam naupang te kan la nih avangin hetiang lamah hma kan la chho mek a la ni a, tun atang hian hetiang cultural heritage humhalhna kawngah hma kan lak lehzual a, tan kan lak a ngai a ni a ti a. India ram hi ram upa a nih avangin Cultural Heritage a tam in a ngah a, Agra-a Taj Mahal a din chuan USA chu a la upa lo hle tih sawiin Pu Lalmalsawma chuan Rabindranath Tagore a hla leh sulhnu te West Bengal sawrkarin a humhalh dan leh a thih hnu kum 60 ah pawh humhalhna dan an la chawi kan reng thu sawiin kan pipute sulhnu vawng tha a, kan hnam ro thil te hum that a nih chuan khual tha tam tak tlawhtu kan ram in a neih chhoh thuai a beisei thu a sawi a.

Workshop hmangtute chu mi dangte zirtir a puak chhuahpui ngei tur thil tangkai zir chhuak thei tur leh an bul ami te a zau thei ang ber pipu sulhnu humhalh turin a ngen a ni. Workshop hawnna kaihhruaitu Pu P. Rohmingthanga, IAS (Rtd.) Convener chuan kan pipui te sulhnu leh kan hnam ro hlu humhalh turin mimal tin kan pawimawh thu a sawi bawk.

Pu Rin Sanga, IAS (Rtd.) Co-Convener in INTACH chungchang sawi hawnna hun hmangin hetiang workshop hi Mizoram ah vawi 2-na an neih na a nih thu leh kum 1984 atang khan Mizoram pipute sulhnu humhalhtu Pawl Mizoram a din a nih dan a sawi a. India ram ah chuan States hrang hrang leh District hrang 150 chungah din a ni tawh thu leh National Heritage hrang hrang a sawifiah nghal a ni.

Mrs. Purnima Dutt, Director, Heritage Education and Communication Services Disivion INTACH, New Delhi chuan heritage chungchang sawi hawnna a nei nghal a. Pu C. Laitanga Member, INTACH, Mizoram Chapter in lawmthu a sawi hnuah workshop neih tan nghal a ni.