Bamboo Development Board Vice Chairman Dr. K.Pachhunga chuan vawiin khan Hmunpui khuaah Bamboo Development Programme hnuaia Awareness Campaign hmasa ber a hmanpui. He hmalakna hi Bamboo Development Board Chairman Chief Minister Pu Zoramthanga kaihhruaina hnuaia ni 25.11.2019 a Bamboo Development Board meeting-in thu a lo rel tawh bawhzuina a ni. Vawiin programme ah hian Additional Chief Secretary Pu J.C. Ramthanga, Dr Elizabeth Saipari, Horticulture Director, Bamboo Development Board Member te leh official engemaw zat an tel.

Bamboo Development Board Vice Chairman chuan sawrkar flagship programme SEDP hnuaia Mau/Rua chinna hmasa ber Model Village atan Hmunpui khua chu thlan a nih thu sawiin, thahnemngai taka khaw mipui ten hma an lak ho a a beisei thu a sawi a. Zau mumal taka mau ching tura ram bawh bik tur ram zau tak khawtlangin an thlang fel tawh chu lawmawm a tih thu sawiin, rua chu a chingtute hlawkna tur a ni tih hre reng chungin theihtawptun hmalakna kalpui mek hnuaiah hian  chhuah turin Dr. K.Pachhunga chuan kalkhawmte a sawm a. Rua atanga hmalak theihna tam tak a awm dante sawiin, tuna hmalakna kalpui mek hnuaiah hian industry chawm thei tur mau lian chi chin tur an nih thu a sawi a. He mau chi tha lakluh avang hian kan ram mau awm sa te hnualsuat a nih loh tur a sawi. kan hnam nihphung nen a inzawm tlat a. Board Vice Chairman chuan mithiamte kaihhruaina hnuaiah thahnemngai taka hma la turin kalkhawmte duhsakna a hlan a ni. hnuaia tanpuina dawn tur thu pawh heng society kaltlanga mau chingtute hnenah pek a nih dawn thu a sawi bawk.

Additional Chief Secretary Pu J.C Ramthanga chuan he awareess campaign ah hian mau puitlin hmaa thlai dang ching a mixed-cropping kalpui an nih tur thute a sawi a. Department lam atanga tih theih leh tih turte a awm rualin ,mau chingtute kutah a hlawhtlinna tak tak chu innghah thu leh, chumi avang chuan nasa taka tang turin a fuih a ni. Theihtawp chhuah a ngaih avangin tanpuina duh vang chauh a hmalak tum chuan a remloh thu a sawi.

Horticulture Director Dr. Elizabeth Saipari pawhin thu sawiin, zau (bamboo cluster) mumal taka siamin, mithiamte ruahmanna anga Raw lian chi, Dendrocalamus brandisii chin an nih tur thu a sawi.

Vawiin awareness campaign ah hian mau/rua chinna zauah society mumal tak din zel a nih tur thu te leh SEDP hnuaia tanpuina dawn tur thu pawh heng society kaltlanga mau chingtute hnenah pek a nih dawn thu sawi a ni.