Vawiin ni 3.12.2019 chawhnu dar 2 khan Pu Robert Romawia Royte-in a Office Chamber-ah Mizoram State Games ni 9-13 December, 2019-a neih tur chungchangah Press Meet a nei a. Mizoram sorkar leh a nodal department- Sports & Youth Services Department te an inpeih thawkhat tawh thu sawiin, MLA bial 40 te phur taka an inbuatsaih thu a sawi. He State Games lo awm tur hian kan thalaite infiamna lamah nasa taka a chawikan a beisei thu Minister hian a sawi. Mizoram State Games chungchanga Press mite zawhna hrang hrang chhangin rawtna an neihte pawh inthlahrung lova thawh zel turin a sawm a ni. He hunah hian Minister chuan State Games T-Shirt leh State Games puala Pu Rosangliana (Zorock) hla phuah chu a released nghal a ni.

Vawiin vek Chawhma dar 11 khan Sports, Youth Affairs & Tourism Development Board meeting Minister Pu Robert Romawia Royte chuan a neihpui a. Department hrang hrang te hian tun Ministry chhunga an hnathawh leh hmalak dan tlangpui leh hmachhawpte sawiin thil tulte an sawi ho a. Department hnathawh zel turah thahnemngai taka thurawn pe zel turin Board member te a ngen a ni.

Pu Robert Romawia Royte hian ni 3.12.2019 zing dar 7 hian Mizoram State Games atana an inbuatsaihnaah a bial  Aizawl East-II chhunga players mi 300 rual hnenah thu sawiin, champion ngei tura tan la turin a chah a. Aizawl East-II Jersey a tlangzarh nghal a ni.

Attachment

  • Loading attachment...