1906/2023-2024

Dated Saitual the 14th September 2023: Saitual District Level SEDP Committee huaihawtin vawiin khan Keifang Zawlbuk ah Socio-Economic Development Policy (SEDP) thawh hnihna dawngtute pualin re- orientation program neih a ni.

He hun hi Saitual Deputy Commissioner Dr. Lalngura Tlau chuan kaihruaiin Family Oriented SEDP chu chhungkaw intodelh na hmanrua atana sawrkar in uluk taka a duan a ni a, chuvang chuan pawisa sem satliah  duh duh atan a hman chi ni lovin sawrkar in a duan ang taka tangkai taka hman a ngai a ni, a ti. Chhungkaw aiawh kalkhawm te chu an trade kalpui theuh ah hriatthiam loh emaw harsatna annei a nih chuan line Department te hnen ah hriattir zel turin a hrilh a ani.

He hunah hian Line department hrang hrang atangin thusawi leh report ngaihthlak na neih a ni a, a hnuaia tarlan te hi Family oriented SEDP line Department dinhmun tlangpui te chu anni. 

Veterinary and Animal Husbandry aiawh in Dr V Vanneihtluanga, District Vety Officer in thusawi na neiin Khaw 53 ah beneficiary 3210 an nei a, Trade 5 kalpui niin chung te chu ar vulh, bawng, kel, sial leh vawk vulh te anni.

Pu K Lalrinkima, District Fisheries officer in report a pek danin Fisheries ah Beneficiaries 87 awm in APR sign fel tir an ni tawh a ni.  Agriculture line Department atanga thu ngaihthlak danin tun dinhmun ah Agriculture Beneficiaries hi 238 awm mek in trade tlangpui te chu vaimin, bekang, fu, oilseed, dal leh chana  te anni.

Line department dang Horticulture aiawh in Pu Lalawmpuia DHO in thusawina neiin Family Oriented SEDP hi  Khaw 41 ah VC 46 chhung a thlan chhuah niin, beneficiaries 447 an awm a ni. Trade hi 21 neiin APR Sign fel vek tawh a ni. Soil and Water Conservation line Department chuan Trade pali, kuhva, rubber, coffee leh hmunphiah neiin beneficiaries 68 an awm. Heng bakah hian Sericulture line department atangin beneficiary 8 an awm bawk a ni.

Line Department te hian thusawina an neih zawh in zawhna leh chhanna hun hman a ni a, hemi zawh hian Bawrhsap Dr Lalngura Tlau in thusawina neiin vawin inkhawm chu tihtawp a ni.