1905/2023-2024

LUNGLEI; the 15th September;2023 : Vawiin chawhnu khan Pu C.Lalrinsanga,Hon'ble Minister for Agri, Cooperation leh I&WR chuan Students' Union of Mizoram Polytechnic Lunglei te buatsaih  42nd Technical Week Closing Function chu Mizoram Polytechnic  Multipurpose Hall-ah khuallian  niin a hman pui.

awiin programme-ah hian thu sawiin Pu C.Lalrinsanga chuan Polytechnic Zirlai te chu kan hmalam huna Mizoram Hmasawnna ruhrel khawihtu tur inzir mek in ni a, by-heart a in pass mai mai chuan in chhawrtlak loh mai thei, theoretically  leh Practically a thiam, mahni zir china bel tak, midang pawh zirtir chhawng thei tur khawp a mithiam nih in tum tur a ni. In thiamna hian hnamdang ho thiamna a el phak tur a ni. Zirtirtu te atanga thiamna in zir piah lamah hian in theihna (Potential) tipung tura mahnia tan inlak hle a tul tawh a ni. JAPAN ram chu WW-II ah tukdawlin awm mahse reiloteah khawvel ram ropuiah a dingchhuak leh thei a,a chhan chu an thalai ten  Nationalism rilru pu chunga an ram tungding leh tura an thiamna te an hman avang leh thiamna tak tak pawchhuak tura an zir thin vang a ni. Mizoramah hian Technical khawih tel Department an awm nual a, chungah te chuan heta tanga in zirchhuah hunah luhna chance a la awm ang, mahse chunga lut tur chuan chhawrtlak thiamna tak tak in neih a tul hle ang. Chuvangin rinawmna, taimakna leh chhelna nena in zirlai te zir tur leh Mizoram tan mi chhawrtlak ni turin duhsakna ka hlan a che u, tiin fuihna thuchah a sawi.

inister chuan Teaching staff te chu fakawm a tih thu leh a ngaihhlut thu sawiin, Engineer dang te angin hna langsar thawk a, mi te hriat hlawh leh office a thu ni lo mah u la, langsar lo taka Mizoram hmasawnna ruhrel; a bulthuta thawktu tur chherchhuaktu in nih hre reng tur leh rinawm tak leh thahnem ngai taka zirlai te hnena thiamna chhenfakawm petu ni turin duhsakna ka hlan a che u, tiin fuihna leh duhsakna thu a hrilh hlawm bawk.

Khuallian hian 42nd Technical Week chhunga Games & Sports discipline hrang hranga intihsiakna bakah  Quiz leh Singing competition  a lawmman te a sem nghal bawk a ni.

Tun dinhmunah hian Mizoram Polytechnic Lunglei-ah hian Engineering discipline 4:

1) Civil

2)Mechanical

3)Electrical

4) Computer Sciences zirna a awm a. Zirlai 240 leh Teaching staff 31 an awm mek a ni.