Vawiin khan Lunglei Forest Division buatsaihin Multi Purpose Hall, Lunglei Govt. College ah Seminar Cum Training Programme on Conservation and Development of Medicinal Plants For VFDC Members and Field Personnels neih ani.Prof. LH. Rothanga, Principal, Lunglei Govt. College chu khuallian niin Seminar Cum Training hi a hawng.

Seminar Cum Training hawnna inkhawm hi Dr. C. Vidhyasagar, IFS, DFO Lunglei in kaihruaiin Prof.LH. Rothanga chuan  Mizoram hi India rama ramngaw nei zau ber kan ni a, Ramhmul damdawi pawh kan ngah in amaherawh chu zirchianna leh finfian na nei lo pawh a tam a ring ani. Scientific taka finfiahna a awm chuan sorkar pawh in a ngaipawimawh ani ati. Kan ramhmul neih te hi zirchianga, engtia hmalak tur nge tih fianfiah a that a ring. Ramhmul te hi humhalh a tihpun hi a pawimawh hle in a thawktu ten an hriat loh te chu VFDC member kalkhawm ten an hriat ang hrilh turin a chah bawk ani.

Dr. Lalliankimi, Programme Officer, State Medicinal Board, Mizoram pawhin thusawiin Mizoram hi ramhmul damdawi tamna ram ani a, kan tichereu loh nan thangtharte hrilhhriata zirtir a ngai ati. Ramhmul hi kan ngah a, mahse a hlutzia leh tangkaizia hi kan hre lo hle ani.Ramhmul te hi humhalha, chinbelh ngaite chinbel a tihpun a ngai ani ati.

Technical session neih chhunzawmin Dr. C. Vidhyasagar, IFS, DFO, Lunglei in Medical Plants Projects Resource Augmentation of Medical Plants (RAMP) leh Medicinal Plants Conservation and Development Area (MPCDA) hmalakdan sawina neiin Dr. Lalliankimi , Programme Officer, State Medicinal Board , Mizoram in Medicinal Plants for common ailments, Medicinal Plants for Diabetes milletus leh Prioritized Medicinal Plants for Conservation and Development tih thupui hmang in ramhmul damdawi thatdan a sawi ani. Dr. David LH. Pakhuangte, Keifang khuain ramhmul damdawi a zirchianna a sawi  ani. Zawhna leh chhanna hun hman ani bawk.