Vawiin khan DC Conference Hall-ah sawrkar official-te leh ELF Learning Solutions Private Ltd., Chennai ten English Learning Foundation (ELF) chungchang review meeting an nei. DC Office, Aizawl leh ELF Learning Solutions Private Ltd., Chennai te tangkawpin English Learning Foundation (ELF) Programme hi Aizawl khawpui chhungah SSA School 20 leh RMSA School 10 ah an kalpui a. He programme in a tum ber chu naupang ten saptawnga kawng engkima hma an sawn theihna tur a ni.

February ni 4 atanga ni 8, 2018 in kar hian ELF team atangin mi pahnih an rawn kal a, an cham chhung hian RMSA & SSA school hrang hrang te an tlawh kual a. An programme kalpui atangin zirlaite leh zirtirtuah te zingah eng hmasawnna nge awm thei tih an rawn en a ni. School hrang hrang an tlawh kual naah zirlai naupangte kawmin an dinhmun zirchianna te an nei a, zirtirtuten class an lak dan te enin hmasawn an mamawhna hrang hrang sawiho a ni.