Vawiin khan Commerce & Industries Minister Dr.R.Lalthangliana chuan Azerbaijan rama India Ambassador (Designate) Pu B.Vanlalvawna chu a pisa-ah a kawm a. Minister hi Director, Commerce & Industries Department Pu J.Hmingthanmawia’n a tawiawm a ni.

Commerce & Industries Minister Dr.R. Lalthangliana chuan March Ni 7-17 inkara buatsaih tur, Best of India Show-Baku, Azerbaijan rama Mizoram thil siamchhuah pholan a nih theih nana hmala turin Commerce & Industries Department chu ruat ni se, a ti a. Minster chuan Zokhawthar leh Kawrpuichhuaha Border Trade tih changtlunna tura Trade & Commerce Union Ministry a hmuh tawh zul zuiin, Bangladesh Sawrkar pawh a biak tawh thu leh Bangladesh sawrkar a inhawn thu a sawi a. Ramri insumdawn tawnna Dan pawh mumal taka duan a nih tur thu a sawi bawk a ni.

Art & Culture Minister Pu R.Lalzirliana pawhin Pu B.Vanlalvawna hi a pisa-ah lo kawmin, Mizo Lam hrang hrang, ramdanga pho lan a nih theih nana hmalak dan tur a sawipui a ni.