Vawiin khan LAD Conference Hall-ah Mamit District chhunga village council member te leh tlawmngai pawl hruaitu hrang hrang te tan Seminar-cum-Workshop on Disaster Risk Reduction Traning neih a ni a. Pi Lalbiaksangi, Deputy Commissioner chuan khuallian ni in a hmanpui.

Traning kaihruaitu Pu H.Lianzela, Addl. Deputy Commissioner chuan sawi hawnna neiin Chhiat rupna lakah theih tawp a in hrilh hriat tam apawimawh zia te, mipuitenkanngaihpawimawh a tul zia a sawi bawk.

Khuallian Pi Lalbiaksangi, Deputy Commissioner chuan thu sawiin kan insak danah te pawh fimkhur a tul tawh zia te leh in kan sak reng reng in tui chhe paihna tui luankawr tha taka siam theuh hi mitin mawhphurhna ani a ti a,chumai piah lamah VC member te leh tlawmngai pawl hruaitute chu an veng leh khua ah te en fiah a ,tui luankawr te en fiah a, hma la turin a sawm bawk.

Tv. CK. Lalhrilliana, State Disaster Response team a Resource Person  chuan Powerpoint Presentation  hmangin ‘Role of Community in Disaster Risk Reduction’ tih chu a pe a. Hriat lawk loh chhiatna lo thleng thei kan hlauh leh kan huphurh em em mai lirnghing chungchangah pawh kan insak dan a zirin a ngheh that phawt chuan himna kawng hi ala awmzel tho tih kan hriat a tul thu leh phawklek lutuk leh pawngpaw hlauh em em ringawt loh tur anih zia te a tarlang a ni.

Pu Vanlalhmachhuana, Sub-Deputy Commissioner ,Mamit Resource Person chuan Powerpoint Presentation hmang bawkin ‘Role of Government Agencies in Disaster Risk Reduction’  hrilh fiahna te a nei nghal bawk. He mi zawh hian kalkhawmte hnen atangin hriat fiah loh lai leh zawh duh neiten zawhna te zawt in sawiho na te an nei nghal a ni.

Kalkhawmte hnen a lawmthu sawina neiin Pu Gaston Vanlalhriatpuia chuan kalkhawmte chuan an hlawk pui ngei a a beisei tih sawiin kalkhawmte a thlah a ni.