Vawiin chawhma khan Lunglei DC Conference Hall-ah Lunglei DC Pu Abhijit Vijay Chaudhari, IAS kaihhruaiin Lunglei District Consultative Committee (DCC) Sub-Committtee an thukhawm.

Pu James LH Pachuau, Chief Manager, Lead Bank Office (LBO) Lunglei chuan Line department te chu kuthnathawktute mamawh hrechiang zawktu an nih avangin thawhhona tha an neih a pawimawh hle, a ti.

Meeting-ah hian central leh state sawrkar scheme hrang hrang kalpui mekte chu bank te nena thlunzawma thawhho dan tur sawiho a ni a. Line department ten beneficiary tur zawng chhuak in, hlawhtling ngei tura ngaih te hnenah bank loan pek ni se, an ti a. Committee chuan Cluster Finance leh Capacity Building chungchanga hma lak dan tur an sawiho bakah DCC meeting leha pharh tur Annual Credit Plan 2016-17 thlir hona an nei nghal a ni.

Lunglei DCC Sub-Committee hi February ni 11, 2016-a din a ni a. Sorkar hmalakna hrang hrang, a bik takin Agriculture leh allied sector-te thlur bing turin Lead Bank kaihhruaina hnuaia din a ni a. Agriculture leh a kaihhnawih department-te bakah bank hrang hrang atangin member an tel a ni.