Central YMA leh Department of Information a Communication Technology ten thawhdunna thuthlung an siam zuiin, YMA Sub-Hqrs Champhai chuan a thuthmun branch YMA 23 te pualli ICT nena tangkawpin Seminar-cum-Workshop on ‘Impact on e-Governance & Cyber Crime in Mizo Society chu vawiin dar 10:00 khan Champhai Vengsang YMA Hall a hman a ni.

He Seminar-cum-workshop pawimawh tak hi Pu Vanlalena, M.J.S  Sr. Judge,Legal Adviser Sub-Hqrs YMA Champhai ni bawk chuan khuallian niin a hawng. Hawnna thu sawiin Khuallian chuan hetiang hun tha Champhai a kan nei thei hi a vanneih thlak hle a, Dan leh Hrai hriatna man hi a to em em a, tunah hetiang ang a thlawna ngaihthlak tur kan tana buatsaih a ni hi a hlutna hrechiang ila hlawk taka hman i tum ang u a ti a. Mihringte hi Pathian-in a duhdan taka a siam kan ni a chuvangin kan duhdan anga kan awm mai mai hi a phal lo a, Dan leh hrai fel tak a siam a ni. Tunlai changkanna (information Technology) hian hnunghnuk a nei zel a, chu chu misual ten a dik lo zawng in an hmang a ,misualte avangin thil tha ni a kan hriat hi thil tha lo a ni thei a fimkhur tak kan kal a ngai a ni. He hun hlu tak hi kan hriat ngailoh thil a ni, kan hriatna belhchhah nan leh chu kan hriatna chu midangte tana malsawmna a nih theih nan hmang turin ka duhsak che u ani tin YMA kalkawmte chu a chah a ni.

He Workshop ah hian mithiam te paper present “Cyber Crime in Mizo Society leh e-Governance for Good Governance’ tih te chu ngaihthlak a niin sawi ho ani. Heng paper zir hona ah hian Information & Communication Technology hrang (TV, Computer, Internet,mobile etc) hman khawlohna avanga dan bawhchhiatna reng reng chu “Cyber Crime a ni” a ni tih te leh a hremna dan te ,Rorelna dik leh tha(Good Governance) leh e-Governance tih hi tunlai khawvel ah chuan thil then hran theihloh, inthlunzawm tlat a ni tih te zir ho a sawi ho a hi.

Vawiin workshop hi Pu C.Lalawmpuia, President Sub-Hqrs YMA Champhai in a kaihruai a ni.