Chief Minister chuan Scouts & Guides memberte chu kan khawtlang nun siam thatna kawngah hmun pawimawh tak in luah a ni a ti a. Pathian hming lam chunga hna thawk an nih angin, nungcha leh thing leh mau humhalhna kawngahte pawh hmahruai thei an ni a ti. Scouts & Guides tawngtaina hla te chu Pathian nena inpawlna lam a ni chu a thlamuan thlak hle a ni a ti.

He hunah hian Mizoram Bharat Scouts & Guides huangchhunga member ni turin State Chief Commissioner Pu Zoliana Royte chuan thutiam lak tirin a lalut a. President atan Pu Lal Thanhawla, Vice Presidents atan Pu Lalsawta leh Pu Zodintluanga, Co-opted Member atan Pu Nghaklianmawia leh District Commissioner (Scouts) atan Pu Lalrizapa te an ni a. Pu Zoliana Royte chuan Scouts & Guides hi sorkar nghhenchhana ding anih avangin an hnen atanga malsawma awm thei awmte an dawn theih nan, a tak taka Bharat Scouts & Guides huangchhunga an luh ve hi a tul a, chuvangin hetiang lakluhna hun (Induction ceremony) hi hman angai a ni a ti.

 

 

 

 

Meeting-ah hian kum 2010 - 2011 chhunga intawhkhawm programme duanlawkah Mizoram atanga tel thei zat tur te bithliah a ni.  Chungte chu  khawvel huapa Pune ah mi 2, Sweden ah mi 30 leh Phillipines ah mi 1 te a ni a. Rampum huapa vawi 21 awm turah mi 5 atanga 10. North East bikah vawi 16 awm turah mi 5 atanga 8 leh State Levela vawi 10 neih turah mi 1 atanga 7 te an ni. An senso te hi sorkar-in a tum sak thin bawk.

Kum 2009 May thla atanga vawiin ni thlenga an hnathawhte tarlan a ni bawk.