Entrepreneurship Development Scheme, MEDMOC leh Hands of Hope (H.O.P.E) tangkawp buatsaihin vawiin khan Economic & Statistics Conference Hall, MINECO ah “Seminar on Intellectual Property Rights for Entrepreneurs & Businessmen” buatsaih a ni a, Commerce & Industries Minister Dr. R.Lalthangliana’n khuallian niin a hmanpui.

He hun hmanpuitu Khuallian Dr. R.lalthangliana chuan Intellectual Property Rights (IPR) chungchang hi tunlai khawvelah a pawimawh hle tawh rualin Mizote hian kan la man thiam chiah lo deuh ni a a hriat thu a sawin a. Mi tamtakin a ngaihna an hriat vakloh rawn ngaihtuah chhuak a zirhona hun buatsaihtute fakawm a tih thu leh lawmawm a tih thu a sawi. Mizo thalai pianpui finna leh thiamna nei tha tak tak an tam a, khawvel hmun hrang hranga thil thleng thiamna leh finna inruk sak te ang chi te pawh kan tawng ve thei reng a, midang neih ve loh thiamna bik an neih te humhalhna atan Intellectual Property right hi hriatchian a pawimawh a ni a ti. Minister chuan Mizoram hi ramngaw bakah thlai leh nungcha chi hrangb hrang an tam a, ramhmul damdawi tha tak tak la hmuhchhuah loh pawh a tam a a rin thu sawiin heng kan ram leilung hausakna te hi tihtakzeta zirchianga chhawr tangkai turin mizo thalai rilru chak tak tak ten an ngaihtuahna seng se a duh thu a sawi a, tumah chuh buai theihloh turin Mizoram kutchhuak ngeiin khawvel dengchhuak se tih chu a duhthusam a nih reng thu a sawi a ni.

Pu Saihlira, Planning Adviser-cum-Addl. Secy., Planning & Programme Implementation Department pawhin Intellectual Property Rights awlsamm taka hriatthiam theih dan ber chu thil siamchhuah leh ngaihtuah chhuah te venghim tura dan hmanga inhumhalhna a ni a ti a. Khawtlang, hnam leh eizawnna atan IPR chu thilpawimawh tak a ni a ti. IPR hian thil neih leh siamchhuahte engemaw chen hnu a hluihlawn zung zung a ti tlem ang a, heng thil tihhmasawn zelna kawng a hawng thei a ni a ti.

Seminar on Intellectual Property Rights for Entrepreneurs & Businessmen ah hian Mizo thalai mahni kutke a dinchhuah tum leh eizawnna kalpuitu te an tel a. Seminar hi hun hnih ah then niin Technical session hmasa zawkah Resource Person atana sawm Dr. Laldinliana Varte, Co-ordinator, Incubation Centre, Mizoram University leh Pu Samuel Lalmalsawma, Senior Scientific Officer, Mizoram Science, Technology and Innovation Council ten zirtirna an pe a, session hnihnaah Pu Johny Lalengmawia Tochhawng, Advocate, Mizoram Law Firm in zirtirna pe in session tinah hian sawihona hun leh zawhna leh chhanna hun hawn a ni..

Intellectual Property (IP) hi mihringte ngaihtuahna/idea atanga lo chhuak a nih avangin hmuhtheihloh leh khawihtheihloh a ni a. IP hian thil hmuhchhuah (inventions) design, copyright, licences, trademark, trade service, confidential/proprietory, technical and business information, software, database etc a huam a ni. IP ah hian a hmuchhuak hmasa tute hi a neitu diktakm leh thuneihna sang ber nei an ni a, IP hi mimalin emaw a huho emaw a thil duan chhuah theih a ni.