Hav. Laldinpuia, 8 Assam Regiment (42 Rashtriya Rifles) Thingsulthliah khua chuan 42 RR-a a awm laiin Tral Hondura, Kashmir-ah QRT awm laiin Col. MN Rai, YSM, Commanding Officer, 42 RR te nen Operation an neihnaah hel pahnih a kahhlum avangin 15 August 2015 khan huaisen lawmman (Gallantry Award) ‘Sena Medal’ chu India President-in a hlan a.

Mizoram sorkarin lawmpuina a pek thin Rs.3,00,000/- (cheng nuai 3) chu Surg. Lt. Cdr Lalnuntluanga (Rtd), Director, Sainik Welfare & Resettlement-in a office chamber-ah vawiin khan a hlan a ni. He inbeihnaah hian Col MN Rai, YSM, CO chuan thihchilhin a boral hnuah ‘Shaurya Chakra’ hlan a ni nghe nghe a ni.