Vawiin khan Principal Chief Conservator of Forests Conference Hall, EFO Complex, Tuikhuahtlang-ah Senior Forest Officers Meeting neih a ni a. Pu H. Rohluna, Minister, Env. & Forests Department chuan a hmanpui a, Shri J.L. Singh, Principal Secretary-cum-Principal Chief Conservator of Forests-in meeting hi a kaihruai a ni.

Thu sawiin minister chuan department hmingthatna mai bakah Mizoram hmingthatna tura department officer-te thawhrimna a fak a, thahnemngaih luat avanga tute emaw rilru tihnat alo nei palh anih chuan hriatthiamna dilin hmalak  za-ah-za (100%) ti hlawhtling thei lo mah ila, a tlangpuiin kan hnathawh a tha thawkhata a hriat thu leh, infrastructure siam kawngah leh work quality-ah hmasawnna hmuh tur a awm zel avangin lawmthu a sawi a ni. Hmun dang atanga thing chi dang emaw, hmun pakhat atanga hmun danga thing leh mau chin thin emaw ai hian a awmsa humhalh hi beih ngawrh lehzual a tul thu sawiin kan tlangram Lo neih dan hian ramngaw a tih chereu bakah kan Lo neihna hmuna thing leh mau awmsa a ti chereu a, chulai hmun chu phulah a chang mai thin avangin chutiang ang ram chu NLUP hmanga ramngawa siam leh turin tan lak mek a ni, a ti. Department-in pawisa a neih ang ang te forest Division hrang hranga sem rual tawp lo hian hmun bik deuh, industry din chilh theihna hmunah cluster plantationsiamtha a tih zawk thu sawiin achievement ropui leh chhawrnahawm tham neiturinan ngaihtuahna seng tam deuhturinofficer kal khawmte hi a chah a ni.

Pu Rohluna chuan Forest Development Agency (FDA) hi tun aia tihnun thar leh a duh thu sawiin, Village Forest Development Committee (VFDC)-te mawhphurhna leh an tana tangkai tur anihzia hrilh tam lehzual a pawimawh a, anmahni tiphur tura hmalak thiam pawimawh a tih thu a sawi bawk. Department chhungah tuna tha taka an thawhho anga thawkho zel tura chahinkanhma lawkah inthlankanhmachhawn dawn avangin a-tu-a-te pawh lo sorkar se tha taka lo thawhpui zelturina chah bawk a ni. Chief Minister zahawm tak, nungcha leh ramngaw humhalh ngai pawimawh em em maikannei hikanvanneiinkanhnathawhna min support that avangin lawmthu sawi turkanni tiin kangmei veng thate hnena lawmman pek (Fire Prevention Award) hi chhunzawm zel tha a tih thu a sawi bawk. Mizoram tana chhenfakawm tur Lengpui-a Bamboo Value Addition Centre chu rampum huapa rohlu anih avangin a rang thei ang bera hawn a, hnathawh tan anih theihna tura hma la chakturindepartment hotute a chah a ni.

He inhmuhkhawmnaah hian Report of the Committee on Felling of Trees in Kawrthah Forest Division chungchang te, Proposal for Fixation of Royalty for Private Timbers chungchang te, Revision of Administrative Charge for Working of Private Timber from Rs. 10/- to Rs. 50/- chungchang te, Authorisation for Signing in the Form of LSC/LLC chungchang te, Pending of Court Case chungchang te, Departmental Transfer Policy chungchang te, Wood-base Industrial Estate chungchang te, Illicit Felling inside Lengteng Wildlife Sanctuary chungchang te, Proposal or Name for Member Secretary, State Expert Appraisal Committee (SEAC) chungchang te leh Green Mizoram Day, 2013- Seedling Distributed to VC/YMA chungchang te an ngaihtuah a ni.