Vawiin chawhma khan Synod Conference Centre-ah Rashtriya Madhyamik Shiksha Abhiyan (RMSA) Aizawl District buatsaihin rualbanlote'n hamthatna hrang hrang an hmuh leh chan theih inhrilhhriatna leh inrawnkhawmna-Sensitization & Consultation Programme on IEDSS (Inclusive Education for Disabled at Secondary Stage) for Advocacy and Stake Holders Participation neih a ni.
Sensitization & Consultation Programme on IEDSS for Advocacy and Stake Holders Participation ah hian thupui hrang hrang- IEDSS Scheme chungchang te, rualbanlote tana special scholarship awm te, school, community hall, biak in, sawrkar building, vantlang inthiarna leh ATM Booth-a rualbanlote puala ruahmanna awm tha tawk lo chungchang te, rualbanlo zirlai te, an nu leh pa te leh zirna in lamin harsatna an tawh hrang hrangte sawiho a ni.
Persons with Disabilities Commissioner Dr. Lalnunthara chuan kaihruaiin Resource person atan Pu Zothankima, IEDSS, State Coordinator; Pi Lalfamkimi, Advocate; Er. Lalmuankima, Mizoram Scholarship Board; Pi Neihtluangi, Vice Chairman, Spastic Society of Mizoram; Pu Lianduna, President, Hearing Impaired Parents Society of Mizoram leh Pu Nicky Chhakchhuak Chairman, Differently Abled Society te hman an ni. UD & PA Department, Higher & Technical Department Social Welfare Department, Presbyterian Church of India, Baptist Church of Mizoram, Salvation Army, United Pentecostal Church, Roman Catholic, Central YMA, MHIP, rualbanlo nu leh pa te, Samaritan Association for the Blind, Differently Abled Society, Spastic Society of Mizoram, Mizoram Blind Society of Mizoram, Hearing Impaired Parents Society of Mizoram leh NSS atangin mi thahnemtak an tel a ni.
Sawrkar chhinchhiah danin Mizoramah hian Elementary atanga Higher Secondary School thlengin rualbanlo zirlai 4579 an awm a,heng zinga 3158 hi Elementary zirlai niin a dang 1421 chu High School leh Higher Secondary zirlai an ni a, RMSA, Inclusive Education hnuaiah Mizoram pumah Special Educator 45 an awm a ni.
