No.4103/2021-2022
Aizawl 24th February, 2022 : Vawiin khan Convention Centre Conference Hall-ah Lunglei Municipal Council (LMC) din tura hmalakna kal mek te leh hmachhawp hrang hrangte zirhona hun ‘Sensitization Meeting on Lunglei Municipal Council’ neih a ni.

Sensitization meeting hi UD&PA Jt Secretary Dr Lalngura Tlau in kaihruaiin UD&PA Director Pu H. Lianzela leh AMC Joint Municipal Commissioner Pu H. Lalhmingthanga ten zirtirna an pe a. Meeting-ah hian MJA, MUP, Sub Hqrs YMA, Chhimbial Chhantu aiawhte leh official te an tel a ni.

UD&PA Director Pu H. Lianzela chuan Lunglei khawpui ti hmasawn zel turin Municipal body chak takin a enkawl a hun ve tawh a ni tiin LMC din anih chuan thuneihna semzai na (decentralization of power)a takin kan hmu anga, mipui thlan an aiawhten khawpui enkawlna kawngah mawhphurha leh thuneihna sang zawk an nei dawn a ni, a ti. 15th Finance Commission hnuaiah kum tin ULB ten inenkawlna leh hmasawnna hnathawh nan ULB Grant cheng vaibelchhe 35 chuang hmuh ziah beisei a ni a, hemi atang hian Lunglei mipui awm zat chhutin kum tin cheng nuai 570 chuang LMC hian chang thei tura beisei a ni a, census tharah chuan mipui an lo pun dawn avangin grant dawn tur pawh a pung dawn a ni, a ti a. LMC Election pawh a hma thei ang bera neih an duh thu a sawi bawk.

Gazette Notification – Intention to Constitute a Municipal area chu 24th November, 2021 ah tihchhuah a ni a. 2021-22 atana bul tan nan budget allocation Rs. 80 lakh dawn a ni (Non Salary – Rs. 73.40 lakhs). LMC atan hian CEO, Secretary, Superintendent, Finance & Accounts Officer leh Assistant post-te create na Notification 24th January, 2022 ah tihchhuah niin LMC Office dinna tur pawh sawrkar atangin approval hmuh tawh niin Convention Centre-a bultan tum a ni. LMC Area tih chianna tura delimitation of ward-te, Lunglei khawpuia Village Council awm lai Local Council a thlak dan tur te sawrkarah rawtna thlen a ni tawh bawk. Finance Department-ah LMC tana 10% ULB Grant hmanna tur Expenditure sanction proposal thehluh tawh niin sawrkar kumthar atang hian bultan theih beisei a ni.

AMC Joint Municipal Commissioner Pu H. Lalhmingthanga chuan Aizawl Municipal Corporation inrelbawl dan tlangpui te leh hmalakna hrang hrang zirtirna hun a hmang a. Property Tax, Licensing, Hoarding, parking, solid waste management, building permit-te AMC hnuaia kalpui dan te zirho a ni. Heng Property Tax, Licensing, Hoarding, parking, building permit-te hi LMC din anih hnuah Lunglei khawpuia kalpui dan tur leh a rate te la siam anih tur thu a sawi bawk.

Vawiin meeting-ah hian zawhna leh chhanna leh sawihona hun tha tak hman a ni. LMC din a nih hnuah chuan UD&PA Department hnuaia scheme hrang hrang – HFA/PMAY (U), DAY-NULM, SBM (U), AMRUT, PAHOSS –te Lunglei khawpuiah changtlung zawka kalpui anih theih tur thu UD&PA hotute hian an sawi bawk a ni.

Meeting zawhah hian UD&PA hotute chuan LMC chungchangah Hauruang leh College Veng, Lungleiah te public hearing an nei a ni.