Vawiin khan Agriculture Department-a Officer-ten Agriculture Conference Hall-ah ‘Sensitization on Implementation of Centrally Sponsored Schemes’ hun an hmang.
He hun hmanpuitu Pu Lalram Thanga, IFS, Principal Secretary, Govt. of Mizoram, Agriculture Department chuan thu sawiin Sensitization neih thin hi a tha a, thil thar inzir zelna atana thawktute intuaihriamna tura hun buatsaih a ni chu lawmawm a tih thu a sawi.
Principal Secretary chuan Indian Constitution-ah Agriculture hi State List zinga mi a nih thu sawiin State-in hmasawnna tur tam tak a neihte ama puala a tihhlawhtlin theih loh avangin Centrally Sponsored Schemes te lo chhuak a nih thu leh he Scheme hi Department-a thawktuten hrechianga a hlawhtlinna tura theihtawp chhuah thin turin Officer kalkhawmte a chah rualin a tam thei ang bera Internet leh Communication Technology te hmang tangkai thin turin a chah nghal bawk.
He hun kaihruaitu Dr. C. Lalzarliana, Director of Agriculture (Crop Husbandry) pawhin thu sawiin Agriculture Department chu mipuite innghahna tlak ni thei tura thawktute pawimawhzia a sawi a, ei leh bara intodelh kawngah hma kan sawn zelna tura tan la lehzual tur leh taima tak leh rinawm taka hna thawk a, tui taka thawk thei bawk tura Scheme hrang hrang te zirchiang fo turin Officer kalkhawmte a chah.
He Programme-ah hian Centrally Sponsored Schemes hrang hrang – National Food Security Mission (NFSM), National Mission on Sustainable Agriculture (NMSA), Rastrya Kisan Vikash Yogana (RKVY) leh National Mission on Oilseeds & Pulses (NMOP)-ah te Power Point Presentation hmangin Pu Rohmingthang Colney, Deputy Director (Planning) leh Pi R. Lalramhluni, Subject Matter Specialist (Oil Palm) ten zirtirna an pe a, sawihona hun tha tak neih chhunzawm a ni.
He Sensitization Programme hi Agriculture Secretariat-a Officer te pawhin hmanpuiin Director of Agriculture (Research & Education) pawhin a hmanpui bawk. Agriculture Department-a Officer 97 zet he Sensitization Programme-ah hian an tel a ni.
