1403/2022-2023

Aizawl the 28th July,2022 : Vawiin 28^th July, 2022 khan Urban Development & Poverty Alleviation Department chuan Pradhan Mantri Awas Yojana (Urban)- Housing For All Mission hnuaia Beneficiary Led Construction (BLC) Vertical a Aizawl 2^nd Detailed Project Report (DPR) atanga insak tanpuina dawng tur, Beneficiaries mi 1308 te tan Sensitization Programme a buatsaih.

Hon’ble Prime Minister Narendra Modi chuan, India ram zalenna champha phak vawi 75 denchhenin chenna in neilo te tan a chenna in tha neih ve theihna turin, ‘Housing For All by 2022’ hi a lo mitthla a. Hemi tihlawhtling tur hian Central Government chuan Mission changtlung tak ‘Pradhan Mantri Awas Yojana – Housing For All (Urban)’ a lo duang chhuak tawh a.He Mission hi Mizoram ah 2016 atang khan kalpui tan ni in Mizoram chhungah Census Towns 23 ah te kalpui mek a ni.

Sensitization Programme atan hian Beneficiary mi 1308 kohkhawm an nih lai hian mi 1252 in proramme hi an chhim a. He Programme hi hmun thum ah then ni in, Vaivakawn YMA Hall ah Pu H. Lianzela, Director, UD&PA Deptt. chuan hun hmanpui in beneficiary mi 278 kohkhawm an ni a, Pu JH Biakdiktluanga, Municipal Finance Specialist chuan Mission kalphung te inhrilhfiahna Presentation a pe a, Electric Veng YMA Hall ah Pu HVL Zarzoenga, Joint Director (Plan), UD&PA Deptt. chuan hun hmanpuiin beneficiary mi 704 kohkhawm an ni a, Pu Benjamin Lalnunsanga Colney, Civil Engineer in Presentation a pe a, Bawngkawn South YMA Hall ah Pu Andrew Lalhruaia, Deputy Director (Plan), UD&PA Deptt. chuan hun hmanpuiin beneficiary mi 328 kohkhawm an ni a, Pu Lalchhanchhuaha, GIS Specialist in Presentation a pe bawk a ni.

Aizawl 2^nd DPR chhungah hian Beneficiary 4867 an awm a, Sensitization Programme neihpui tawhte hi Beneficiary 2698 an ni tawh ni. Sensitization Programme hi la neih chhoh zel tur a ni.

UD&PA Deptt. hnuaia PMAY (U) thawktute chuan Dt. 16^th June, 2022 atang khan Special Operation on Geo-Tagging an nei a. He Operation ah hian Beneficiary te In hmun ram ruak leh insakna tur hmun te chu a hmunah kalchilh in thla laksak (Geo-Tagged)an ni a. Heta thla laksak tawhte (Geo-Tagged) te hi  Sensitization Programme hmanpui leh an ni.

Sensitization Programme ah hian Mission kalphung, pawisa pekchhuah dan, insak dan tur leh insak thlalak dan te hrilhhriat an ni a. Grant- In – Aid letter , intiamkamna lehkha (Undertaking) pekchhuah an ni bawk a.Tun tuma kohkhawmate hi Intiamkamna lehkha hi Local Council te hriatpuina in beneficiary ten an sign hnuah UD&PA Deptt. ah August ni 2 ral hma ngeiin an thehlut tur a ni. Intiamkamna lehkha an thehluh hnu hian Beneficairy te Bank Account ah Direct Benefit Transfer hmangin 1^st installment Rs. 60,000/- Department in a thun nghal ang a, 2^nd leh 3^rd installment chu Central atanga fund hmuh anih hunah pek zel tur a ni dawn ani.