Vawiin chawhma khan Lunglei Cultural Heritage Centre-ah Sensitization Workshop Cum Online Registration Training under Clinical Establishment (Registration & Regulation) Act, 2010 chu District Registering Authority, CMO Office, Lunglei bultuma neih a ni.
Lunglei CMO Dr.VLMS Dawngliana chuan thu sawi in Clinical Establishment Act in a tum ber chu damlo te tha taka enkawl a ni, a ti a. Damdawiin zawng zawnga clinic leh laboratory te chu sawrkarah mumal taka register turin a phut a ni, a ti.
Dr. Linda Lalbiaktluangi, State Level Coordinator, Clinical Establishment Act chuan Online Registration chungchang leh Clinical Establishment Act pawimawhna te presentation hmangin sawifiahna a nei a ni.
Clinical Establishment Act training-ah hian Lunglei District chhunga PHC-a Medical Officer, private hospital, clinic leh laboratory te hnenah training pek an ni a. Damdawiin, clinic, laboratory leh damlo enkawlna zawng zawng te chu District Registering Authority, Lunglei hnenah he Act hnuaia in register vek tura hriattir nghal an ni bawk.
