Vawiin chawhma dar 8:30Am khan DC's Conference Hall-ah Pu Ngurthansanga, SDC kaihruaina hnuaiah "Awareness on Pradhan Mantri Ujjwala Yojana & Safety Clinic" hun hman a ni. 

He Scheme hi BPL hmeichhia Gas Connection la neilo tana Oil Marketing Companies (OMCs) in a thlawna LPG Connection kum thum chhunga BPL chhungkua Crore 5 hnena pek tur a ni a, April Ni 1, 2016 atanga hman tan tawh niin, he Scheme ina atum ber chu BPL hmeichhia chhungkua leh naupang tana ei leh in thianghlim leh hrisel zawk buatsaih alo nih theihna tura Sawrkar hmalakna niin, Union Budget 2016-2017 ah Crore 2000 dah a ni a, kum 2016-2017 chhungin BPL hmeichhia chhungkua hnenah LPG Connection 1.5 Crore pek tura ruahman a ni. 

Pu Martin Gangte, Sales Officer, (LPG-S), Aizawl Sales Area-II chuan mipui kalkhawmte hnenah Gas laka kan lo him zawk theih nan, A hman dan dikte, fimkhur taka hman a ngaih ziah leh a khat tawka Check thin a tul thute sawiin, kan LPG Stove leh Cylinder te chu kan hman zawhah Off vek thin tur a ni a ti a, kan tana tangkai em em si hi kan tana thil hlauhawm ber a nih thei a ni tiin, mipuite chu fimkhur turin a chah hlawm a ni. 

Vawiin Awareness on Pradhan Mantri Ujjwala Yojana & Safety Clinic hmannaah hian zawhna leh chhanna hunte hman niin, mipui kalkhawmte chuan an hlawkpui hle a ni.