FCS&CA Minister Pu K Lalrinliana chuan vawiin khan Kolasib Parish Hall-ah Sensitization Workshop On District Level Planning, Kolasib District hun a hmanpui.

Khuallian chuan Kolasib District chhunga Department thenkhatah Plan feltak ngai ngawih ngawih a awm mek a. Heng Department te hi ruahmanna feltak leh ngaihtuahna thatak nena hmalak a ngai thu a sawi a. Kolasib Bial chhung a enkawl hmasak lai khan in Planning hi kalpui ani a. Mahse chhunzawm lo anih avangin hmasawnna sawitham a awm lo ani ati a, tunah hian hmalak mek niin Chief Minister zahawmtak hnenah pawh a thlen tawh thu a sawi a. Kan ramah hian kal ngaihna hrelo chhungkaw tamtak kan awm mek a , retheihna avanga eizawnna ngialnghet an neih theih nan leh  khaichhuah an nih theih nan sawrkarin SEDP a kalpui mek ani ati a. Hriselna kawngah pawh mi zawng zawngin an chanvo an dawn theih nan te, tui thianghlim intur hnianghnar an neih theih nan te, inkalpawh na ruahmanna feltak neih turte, ranvulh leh tuikhuah hmun tur te feltaka Planning Department in ruahmanna an siam ang a kan ruahman thiam chuan kan District leh kan ram in hma a sawn ngei ang tiin he workshop a kalkhawm te a chah ani.

Pu V. Laldinsanga SDO (Sadar) in he hun hi a kaihhruai a, Pu B. Lalrintluanga, Deputy Adviser, Planning Department chuan ‘Sustainable Development Goals’chungchangte, Pu H. Lianzela, Deputy Secretary, Planning Department chuan ‘District Planning Committee’ chungchangte, Pu B. Lalrinhlua, Deputy Director (SDP), Eco & Statistic chuan ‘Development Database in the Statistical Cell of Line Deptts.’chungchangte, Pu R Lalfamkima, Scientist, Science & Technology chuan ‘Application of Remote Sensing and GIS for District Level’ chungchangte  kalkhawmte hi  zirtirna an pe a ni. Sawihona hun hman niin, Sensitization Worhshop ah hian Department hotu thanemtak leh Kolasib District chhunga Village Council Member mi thahnem tak an kal khawm a ni.